Apple şirkəti yeni smartfonlarının simsiz enerji doldurma sürətini məhdudlaşdırmamaq qərarına gəlib. 

 

Bu barədə Ednews MacRumors-a istinadən xəbər verir.

 

Mütəxəssis bildirib ki, iPhone 15-də simsiz enerji doldurma məhdudiyyətsiz işləyəcək.

 

Beləliklə, maksimum gücü 15 vatt olan smartfonu həm adi MagSafe şarj cihazı, həm də üçüncü tərəf aksesuarları ilə şarj etmək mümkün olacaq.

 

Nəşrin müəlliflərinin fikrincə, istənilən iPhone aksesuarı üçün sürətli enerji doldurma dəstəyini tərk etmək qərarı Apple üçün qeyri-adi görünür.

 

Mütəxəssislər xatırladıblar ki, iPhone 12, 13 və 14 seriyalı qurğular yalnız MagSafe cihazlarından istifadə edildikdə 15 vatt güclə doldurula bilər. Hər hansı digər istehsalçıları doldurarkən, güc - 7,5 vata qədər iki dəfə azalacaq.

 

Daha əvvəl insayderlər bildiriblər ki, USB-C ilə işləyən Apple smartfonlarında sürətli enerji doldurma yalnız sertifikatlaşdırılmış aksessuarlar qoşulduqda işləyəcək.

 

Amerika İT nəhənginin hələ iPhone 15 xəttindən cihazları buraxmamasına baxmayaraq, Avropa İttifaqı artıq qeyd edib ki, Apple üçüncü tərəfin enerji doldurucularından istifadə edərkən smartfonların imkanlarını məhdudlaşdırmamalıdır.

 

May ayının ortalarında DSCC-nin analitiki Ross Young bildirib ki, yeni Apple smartfonlarının istehsalına iyunda başlanılacaq. Şirkət payızın əvvəlində iPhone 15, 15 Plus, 15 Pro və 15 Pro Max modellərini təqdim etməlidir.

 

Nurlana Hacıyeva

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary