“Anonymous" haker qrupu Azərbaycanın bəzi dövlət saytlarını hədəfə aldığını və elektron hökumət sistemini sıradan çıxardığını bildirilib. Ümumiyyətlə, dövlətlər saytlara və digərləri haker hücumundan, sındırılmadan necə qorunur? Bunun üçün hansı tədbirlər görülür və hansılar hazırlanmalıdır? 

Bu barədə Ednews-a Xüsusi Rabitə və İnformasiya Təhlükəsizliyi Dövlət Xidmətinin (XRİTDX) İdarə rəisi Tural Məmmədov bildirdi ki, yayılan məlumatlar həqiqəti əks etdirmir: 

“Çünki, elektron hökumət portalı xairci İP ünvanlarını blok etdiyindən xaricdən həmin sistem əlçatmaz görünür. Xakkerlərin həmin sistemi çökdürdüyü hissini yaşadıb. Belə bir paylaşım da ediblər. Ancaq ölkə ərazisində heç bir dövlət informasiya sisteminin fəaliyyətində dayanma müşahidə edilməyib. Ümumilikdə isə kiber hücumlar daim olur. Xidmətimiz bu hücumları daim nəzarətdə saxlayır. Xüsusi aktivlik müşahidə olunduqda xidmətmiz tərəfindən mediaya və vətandaşlara bildirilir”. 

İnformasiya texnologiyaları üzrə mütəxəssis Elvin Həsənov məsələ ilə bağlı fikirlərini bölüşdü.

Onun sözlərinə görə, “Anonymous" haker qrupunun bu xəbəri həqiqəti əks etdirmir. Ancaq ümumilikdə son dönəmlərdə dövlət qurumlarının saytlarına hücümların intensivliyinin artmasına baxmayaraq xüsusi dövlət qurumu tərəfindən tətbiq edilmiş kiberkəşfiyyat alətləri ilə bu tip hallar qısa zamanda aşkarlanır və ölkə üzrə bloklanması həyata keçirilir:

“Hücum dedikdə buna DDOS, Ransomware hücumları, mail fişinqləri və s. nəzərdə tutula bilər. Belə ki, dövlət qurumlarının elektron poçt adlarına bənzər zərərli ünvanların yaradılması metoduna daha çox rast gəlinməkdədir. Bu tip hallarda isə xüsusi alətlər və bu işlərə cəlb edilmiş xüsusi komanda heyyəti ilə qarşısı alınmaqdadır”.

Oğuz