Növbəti Kosmik Texnologiyalar Konfransı (STC2026) gələn il, 21-22 aprel tarixlərində Özbəkistanda keçiriləcək.
“EDnews” xəbər verir ki , bunu Özbəkistan Respublikası Rəqəmsal Texnologiyalar Nazirliyi yanında Kosmik Tədqiqatlar və Texnologiyalar Agentliyinin direktor müavini Muhiddin İbrahimov Bakıda keçirilən STC2025 konfransında çıxışı zamanı açıqlayıb.
“Güclü hüquqi baza, aydın strateji baxış və dinamik beynəlxalq tərəfdaşlıq Özbəkistanın kosmik sahədə gələcəyinin möhkəm təməlini formalaşdırır. Biz qonşularımız və dünyanın dörd bir yanından tərəfdaşlarımızla birgə, kosmosun sülh, imkanlar və ümumi tərəqqi məkanı kimi qorunmasına nail olmaq üçün əməkdaşlığa böyük önəm veririk”, - deyə o bildirib.
Fatimə Mərdanlı //EDnews
