“Sülhün Kökləri” təşkilatının qurucusu və rəhbəri Heidi Kuhn, Ukraynada gərginlik artdığı bir müddətdə, Vyetnam müharibəsinin bitməsindən təxminən 50 il sonra hadisənin günahsız mülki şəxslərə uzunmüddətli təsirləri barədə qlobal məlumatlılığı artırmaq üçün Analar Günündə Vyetnamda sülh üçün qətiyyətli addımlar atmaq qərarına gəlib.
“Biz ağır böhranla üz-üzəyik və müharibənin gələcək nəsillər üzərinə saldığı uzun müddətli bir kölgəni nəzərimizdən qaçırmamalıyıq. Rusiyanın Ukraynanı səbəbsiz işğalı ilə bağlı artan kimyəvi müharibə və nüvə silahı təhlükəsi müzakirə olunduqca, Vyetnamda da günahsız uşaqlar göz görə-görə əlli il əvvəlki müharibənin bədəlini ödəyirlər,” - deyə, Heidi Kuhn belə vurğulayıb.
Vyetnam Müharibəsi 30 aprel 1975-ci ildə sona çatsa da, müharibənin qoyduğu “miras” atəş səsləri susdurulduqdan xeyli sonra da öz acı missiyasını torpaq üzərində davam etdirir. Altında hələ də gizli qalan mina və partlamamış sursatlar, üzrərində gəzən 100.000-dən çox günahsız insanın həyatına son qoymağa davam edir. Müharibə zamanı meşəlik əraziləri məhv etmək üçün istifadə edilən herbisid kimyəvi maddəsi olan “Agent Orange”-in uzunmüddətli faciəvi təsiri bu gün doğulan uşaqlarda böyük qüsurlara səbəb olur.
Ednews xəbər verir ki, şənbə günü, mayın 7-də Heidi Kuhn Vyetnamın keçmiş müharibədən dağılmış torpaqlarında Sülhün Köklərinin simvolik ağacəkmə kampaniyası reallaşdırmaq üçün Cu Chi uşaq evi və əlillər məktəbinin uşaqlarına baş çəkəcək. Hər il minlərlə uşaq müharibənin acı təsiri nəticəsində qüsurlu doğulur. “Ana olaraq biz uşaqlarımızın yer üzündə o zərif ayaqları ilə minalardan qorxmadan gəzmələri üçün onların həyat hədiyyələrini daşıyırıq. 60 ölkədə təqribən 60 milyon mina var və biz üzərində yaşadığımız ana torpağın altındakı o məhvedici toxumları çıxarmalıyıq”, - deyə, Kuhn vurğulayıb.
“Müharibə dayandırılmasa, Ukrayna da Vyetnamın acı aqibətini yaşayacaq”.
“Sülhün Kökləri Asiya” təşkilatının sədri Frank Yih mərhum həyat yoldaşı Nensi YeNaNa adına Vyetnam uşaq evinə 5000 dollar bağışlayacaq. Çindən Vyetnama dəstək olaraq bu, bütün xalqlar arasında sülh naminə sərhədlər arasında körpü yaratmaq üçün təvazökar bir səydir.
“Rotary International” təşkilatının prezidenti Şekar Mehta, ərazisinin 70%-dən çoxunun müharibənin partlayıcı qalıqları ilə çirklənmiş olduğu Quang Tri əyalətində, keçmiş müharibə zonasında (KMZ) müharibənin təsirini müzakirə etmək üçün Vyetnamda Kuhn ilə görüşəcək.
Sülhün Kökləri təşkilatı on ildən artıqdır ki, Minalar üzrə Məsləhət Qrupu (Mines Advisory Group - MAG) ilə KMZ-da minlərlə minanın təmizlənməsi və 300.000-dən çox istiot ağacının əkilməsi ilə bağlı əməkdaşlıq edir. Sülhün Kökləri Minalıqdan Üzümlüyə proqramı çərçivəsində minalanmış əraziləri istiot və üzüm tənəkləri ilə əvəz edir. Bu həm də fermerlərin gəlirlərini artırmaq və müharibənin vurduğu zərəri bərpa etmək üçün ABŞ-da satılacaq Morton və Basset Spice şirkətinə ədviyyat ixracını təmin edir.
Kuhn səfəri zamanı göydən yağan bombalardan qorunmaq üçün ailələrin illərlə yerin altında yaşadıqları “Cu Chi” tunellərinə də baş çəkəcək. Ukraynalı analar müharibədən qorxaraq sığınacaqlarda yaşadıqları bir zamanda Kuhn ümid edir ki, onun sülh üçün addımları bütün dünyada minaların təcili məhv edilməsi üçün qlobal məlumatlılığı artıracaq.
Heydi Kuhn Stimson Mərkəzinin Müharibə İrsi İşçi Qrupunun qurucu üzvüdür, onun üzvləri Vyetnam, Kamboca və Laosda mina problemlərini həll etmək üçün birlikdə fəaliyyət göstərirlər.
Kuhn Analar Gününü 4 Uşağı və 6 nəvəsi ilə birlikdə qeyd etmək üçün ABŞ-a qayıdacaq.
Ətraflı məlumatı Sülhün Kökləri təşkilatından əldə etmək mümkündür
Son 25 il ərzində Sülhün Kökləri müharibə qalıqları, mina və partlamamış hərbi sursatları təmizləmək və gələcək nəsillər üçün icma və torpaqları bərpa etmək üçün dünyanın müharibədən zərər çəkən ölkələrində fəaliyyət göstərib.
Dünyada 500 milyondan çox kiçik fermer təsərrüfatları gündə 2 dollardan az bir məbləğə çalışır. Ailələrə dolanışıq və sabitlik bəxş edən davamlı, regenerativ gəlir mənbəyinin yaradılması münaqişədən sonrakı ölkələrdə həll edilməli olan ən aktual məsələlərdən biridir. "Sülhün Kökləri"nin köməyi ilə fermerlər məhsuldarlığın və davamlılığın artması ilə nəticələnən müasir texnologiya və əkinçilik texnikasını tətbiq etməklə gəlirləri artırmaq üçün əsas problemləri həll edirlər.
Sülhün Kökləri təşkilatının “Minalıqdan üzümlüyə” (“Mines to Vines”) təşəbbüsü bir milyondan çox fermer və ailəyə öz müsbət təsir göstərdi. Sülhün Kökləri minaları və müharibə qalıqlarını təmizləyərək yararsız qalan torpaqları mina əsarətindən azad edir. Təşkilat Əfqanıstanda təzə meyvə, qoz-fındıq və ədviyyatların dünya bazarlarına ixracını asanlaşdıraraq, Əfqanıstanın kənd təsərrüfatı ixracının 2014-cü ildəki 250 milyon dollar gəlirin 2020-ci ildə 1,4 milyard dollara yüksəlməsinə birbaşa töhfə verib. Sülhün Köklərini təqdir edən və ona mükafat qazandıran özünəməxsus metodologiyası var. Sülh üçün biznes modelinin qurulması metodologiyası bunlardır: müharibədən dağılmış torpaqlarda kənd icmalarına uyğunlaşdırılmış bazara əsaslanan həllərin təmin edilməsi və bütün dünyada sənaye miqyasında inkişaf üçün katalizator xidməti rolunu oynamaq.
Ətraflı məlumat əldə etmək və Sülhün Kökləri təşkilatına donor yardımçısı olmaq üçün bura (https://rootsofpeace.org/) daxil olun.
Aha ətraflı məlumat üçün James Faccinto ilə [email protected] email ünvanı vasitəsilə əlaqə saxlayın.
