Xəbər verdiyimiz kimi, Şəkidə 21 yaşlı qız cinsi zorakılığa məruz qalıb. 

Ednews sağlamlıq imkanları məhdud 21 yaşlı qız haqqında bəzi məlumatları əldə edib. Belə ki, Şəki sakinlərindən birinin verdiyi məlumata görə, bu hadisə qızın başına gələn ilk cinsi zorlama halı deyil. Qızın başına bu cür hadisələr bir neçə dəfə gəlib. 

Verilən məlumata görə, zorakılığa məruz qalan qızın anasının hazırda psixoloji problemləri olsa da, o, zamanında çox savadlı  jurnalist vəzifəsində çalışıb. Həyat yoldaşı tərəfindən atıldıqdan sonra qadında psixoloji problemlər yaranıb. Hazırda onların yaşamağa evləri yoxdur, ana-qız küçədə dilənərək gündəlik ehtiyaclarını təmin ediblər. 

Qeyd edək ki, Daxli İşlər Nazirliyinin Mətbuat Xidmətinin Şəki regional qrupunun baş inspektoru, polis baş leytenantı Mahir Məsimovun mediaya açıqlaması zamanı bildirib ki, zorlanan qız Əmək və Əhalinin Sosial Müdafiəsi Nazirliyinin tabeliyindəki Sosial Xidmətlər Agentliyinin Zabrat qəsəbəsindəki sığınacağına yerləşdiriləcək.

Nəzrin Beydiyeva

• Tag:
• qız
• zorakılıq
• Şəki