Baş Prokurorluqda media azadlığı ilə bağlı konfrans keçirilib - FOTOLAR - ednews.net

29 Sentyabr, Cümə axşamı

(+994 50) 229-39-11

Baş Prokurorluqda media azadlığı ilə bağlı konfrans keçirilib - FOTOLAR

Cəmiyyət A- A A+

Bugün  Baş prokuror yanında Korrupsiyaya qarşı Mübarizə Baş İdarəsində "Media azadlığı və sosial şəbəkələrin güclənən təsiri şəraitində cəmiyyətin informasiya təhlükəsizliyinin təmin olunması” mövzusunda konfrans keçirilir. 

Ednews xəbər verir ki, konfransda Baş Prokurorun müavini Elmar Camalov, Medianın İnkişafı Agentliyinin İcraçı direktoru Əhməd İsmayılov, Mətbuat Şurasının sədri Əflatun Amaşov, Mətbuat Şurasının sədr müavini və Beynəlxalq Avrasiya Mətbuat Fondunun Prezidenti Umud Mirzəyev, Baş Prokurorluğun Cinayət təqibindən kənar icraatlar idarəsinin rəisi Elnur Musayev və eləcə də nüfuzlu media qurumlarının rəhbərləri, ali təhsil müəssisələri və qeyri-hökumət təşkilatlarının nümayəndələri iştirak ediblər.

Toplantı Azərbaycanın Dövlət Himninin səsləndirilməsi və ölkəmizin ərazi bütövlüyü uğrunda şəhid olmuş vətən övladlarının xatirəsinin 1 dəqiqəlik sükutla yad edilməsi ilə başlayıb.

Daha sonra Baş prokuror Kamran Əliyev giriş nitqi ilə çıxış edib.

O bildirib ki, Azərbaycan müstəqillik əldə etdikdən sonra medianın inkişafı üçün bütün şərait yaradılıb. Media inkişaf etmədən cəmiyyətin düzgün tərəqqisi mümkün deyil və ona görə də ulu öndər Heydər Əliyev media ilə bağlı bütün institutların inkişafına böyük diqqət yetirib.

K.Əliyev deyib ki, Azərbaycan bu sahədə bütün konvensiyalara qoşulub: 

“Bu gün medianın inkişafı üçün bütün lazımi tədbirlər həyata keçirilib. Medianın cəmiyyətdə rolu böyükdür. Prezident mediaya xüsusi diqqət göstərir və onun fəaliyyəti ilə gündəlik maraqlanır”.

Konfransın gedişatı zamanı “Mətbuat Şurasının media və dövlət arasında münasibətlərinin tənzimlənmə funksiyası”, “Sosial mediada neqativ təzahürlərlə mübarizədə beynəlxalq təcrübə”, “Qeyri-dəqiq və mənbəyi şübhə doğuran məlumatların tirajlanması və jurnalist məsuliyyəti” və s. kimi mövzular da müzakirə ediləcək.

 
1

1

1

1

1

1

1



Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary


Загрузка...