Xarici işlər naziri Ceyhun Bayramov azərbaycanlıların Laçın şəhəri, Zabux və Sus kəndlərinə qayıtması ilə bağlı “Twitter“ hesabında paylaşım edib.
Ednews xəbər verir ki, nazir paylaşımında yazıb:
“Bütün azərbaycanlıları Laçın şəhəri, Zabux və Sus kəndlərinə qayıtmaları münasibətilə təbrik edirəm. Laçın indi Azərbaycanın nəzarətindədir, 1992-ci ildən zorla qovulmuş şəhər sakinləri öz evlərinə qayıdacaqlar. Şübhəsiz ki, şəhər də işğaldan azad edilmiş digər torpaqlar kimi dirçələcək”.
