Şahin Rəhmanlı BAMF-ı yubiley münasibəti ilə təbrik edib - Məktub - ednews.net

6 Oktyabr, Cümə axşamı

(+994 50) 229-39-11

Şahin Rəhmanlı BAMF-ı yubiley münasibəti ilə təbrik edib - Məktub

Cəmiyyət A- A A+

İrəli İctimai Birliyinin sədri Şahin Rəhmanlı BAMF-ı yubiley münasibəti ilə təbrik edib. O, bu barədə Beynəlxalq Avrasiya Mətbuat Fondunun Prezidenti Umud Mirzəyevə təbrik məktubu ünvanlayıb.

Məktubda deyilir:

"İrəli" İctimai Birliyi olaraq fəaliyyətimiz müddətində bir sıra qeyri-hökümət təşkilatları ilə də sıx əməkdaşlıq etmişik ki, bunlardan biri da Beynəlxalq Avrasiya Mətbuat Fondudur. Qurum fəaliyyət göstərdiyi 30 il ərzində ölkəmizdə media və vətəndaş cəmiyyətinin inkişafı, qaçqın və məcburi köçkünlərin problemləri, sülh quruculuğu va münaqişələrin həlli, icmaların inkişafı və təhsil istiqamətlərində böyük işlər görüb.

Hazırda Fond tərəfindən işğaldan azad edilmiş ərazilərdə yaşayan əhali üçün mina təhlükəsizliyi, minatəmizləmə prosesi haqqında maariflandirmə tədbirləri keçirilir ki, bunu da olduqca yüksək qiymətləndiririk. Qeyd etmək lazımdır ki, Fondun Qarabağdakı proseslərlə bağlı operativ informasiyalar çatdırması sosial şəbəkə istifadəçilərinin bu barədə düzgün məlumatlanmasına, baş verə biləcək hər hansı təxribat, dezinformasiyaların qarşısının alınmasına mühüm rol oynayır.

Onu da bildirək ki, Fondun Ednews.net saytı ölkəmizin informasiya məkanında özünəməxsus yer tutur. Sayt "İrəli" İctimai Birliyinin həyata keçirdiyi tədbir və layihələrinin işıqlandırılmasına informasiya dəstəyini göstərir, fəaliyyətlərin daha çox gəncə çatması istiqamətində töhfələr verməkdə davam edir.

Hörmətli Umud müəllim,

Beynəlxalq Avrasiya Mətbuat Fondunun yaradılmasının 30-cu ildönümü münasibətilə Sizi və rəhbərlik etdiyiniz qurumun kollektivini ürəkdən təbrik edir, əməkdaşlığımızın inkişafı naminə fəaliyyətlərinizdə uğurlar arzu edirəm”. 



Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary


Загрузка...