Cəfər Cabbarlının ev muzeyindəki dağıntıdan nazirliyin xəbəri var - RƏSMİ - VİDEO - FOTOLAR - ednews.net

Cəfər Cabbarlının ev muzeyindəki dağıntıdan nazirliyin xəbəri var - RƏSMİ - VİDEO - FOTOLAR

14.01.2023 13:10 Cəmiyyət A- A A+

Xızıda C.Cabbarlının ev muzeyinin damının güclü külək səbəbindən uçması barədə Mədəniyyət Nazirliyi məlumatlandırılıb.

Ednews bizim.media-ya istinadən xəbər verir ki bu haqda Sumqayıt Regional Mədəniyyət İdarəsinin Xızı nümayəndəliyindən açıqlama verilib.

Qeyd edilib ki, muzeydə yaranmış təhlükəli vəziyyətlə bağlı tezliklə tədbirlər görüləcək.

Xızı rayon İcra Hakimiyyəti tərəfindən isə yaranmış problemə hələlik bir reaksiya verilməyib.

Xatırladaq ki, Cabbarlı muzeyi 2018-ci ildə Mədəniyyət Nazirliyinin tikinti idarəsi tərəfindən bərpa edilib. Amma muzeyin Cəfərlə bağlı eksponatlarına bədii tərtibat verilməsi işləri yarımçıq qalıb. Xızının mədəni ictimaiyyəti bədii tərtibat işlərinin davam etməsini səbrsizliklə gözləyir.

****

10:20

Şimal bölgəsində tüğyan edən qasırğa, güclü külək bir sıra ciddi fəsadlar yaradıb. İki gündə bu bölgədə yüzə yaxın yaşayış məskənləri işıqsız qalıb. Bundan başqa bir çox uçquna da səbəb olub.

Güclü külək Xızda böyük dramaturq Cəfər Cabbarlının ev muzeyinin damının bir hissəsini də uçurub.

Ednews bizim.media-ya istnadən xəbər verir ki, hazırda muzey ciddi təhlükə altındadır. Təmirdən yeni çıxmış otaqlar və bəzi eksponatlar məhv olmaq təhlükəsi ilə üz-üzədir.

C.Cabbarlı muzeyinin direktoru Həcər Rəsulova da faktı təsdiqləyib. O muzeyin binasının təmir işlərində heç bəxtinin gətirmədiyini deyib. Bildirib ki, damın bir hissəsini güclü külək aşırıb və hazırda imdadlarına çatacaq bir kəs yoxdur.

Məsələ ilə bağlı Xızı rayon icra hakimiyyəti ilə əlaqə saxlamağa da cəhd etdik. Hələlik bir cavab ala bilməmişik.

C.Cabbarlının Xızıdakı ev muzeyi barədə Bizim.Media bir neçə dəfə yazıb. Mədəniyyət Nazirliyinin başında kimin durmasından asılı olmayaraq heç bir nazir 2019-cu ildən bəri təmirə dayanan muzeyin eksponatlarının bədii tərtibat işlərini başa çatdırmaqda maraqlı olmayıb.

Muzeyin kollektivi yeni təyin olunmuş nazir Adil Kərimliyə böyük ümid bəsləyir. Dörd ildən sonra muzeyin bəxtinə bəlkə gün doğa.

Tag:
Cəfər Cabbarlı

Mətndə səhv varsa, onu qeyd edib Ctrl+Enter düyməsini basaraq bizə göndərin.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary

Загрузка...