Son illərda podiumlar mürəkkəb dizaynla dolu idi: qeyri-adi kəsimlər, dekorativ detallar və qatlar, strazlar, kristallar və rəngli xəzlər və s. Bütün bunlar əlbəttə ki, çox təsiredici görünürdü, lakin yeni mövsüm qızlardan sadəlik tələb edəcək.

Ednews publika-ya istinadən xəbər verir ki, dizaynerlər daha mürəkkəb bir şey ortaya qoymaq əvəzinə, başqa yolla getməyə və sadəliyə yönəlməyə qərar veriblər. Belə ki, sadə parçalar, sadə siluetlər 2023-cü ilin əsas trendidir. Trend, özünü ilk növbədə incə və minimalist maksi paltarlarda göstərib. "Ən böyük gözəllik sadəlikdir" mövsümün şüarı olacaq. Odur ki, pulunuzu minimalizm və funksionallığa yatırmağa dəyər. Lazımsız dekorasiya və ya qatlar yoxdur. Bu paltarlarda bir qayda olaraq üz kəsim və neytral rənglər hakimdir.

Parçalara gəldikdə, çeşid çoxdur, uzun donlar atlasdan kətəna və trikotaja qədər bir çox versiyalarda qarşımıza çıxacaq. Bu modellərdən maraqlı və romantik obraz tərtib etmək həqiqətən asandır. Onları soyuq aylarda boş jaket və ya sviterlər, dəbli hündür çəkmələrlə birləşdirə bilərsiniz, üst geyim olaraq minimalist paltolara üstünlük vermək daha yaxşı olar.

İsti havalarda isə ​​bir cüt dəri sandal və ya sabo kifayət edəcək. 

• Tag:
• bu yaz
• geyim
• moda