“AzerGold” qızıl sikkə kolleksiyasını İsveçrədə nümayiş etdirir - FOTOLAR - ednews.net

20 Mart, Bazar ertəsi

(+994 50) 229-39-11

“AzerGold” qızıl sikkə kolleksiyasını İsveçrədə nümayiş etdirir - FOTOLAR

Cəmiyyət A- A A+

“AzerGold” Qapalı Səhmdar Cəmiyyətinin (QSC) qızıl sikkə kolleksiyaları İsveçrədə nümayişə çıxarılıb.

QSC-dən Ednews-a bildirilib ki, qızıl sikkə kolleksiyaları İsveçrənin Sankt Moritz şəhərində keçirilən qar polosu üzrə 38-ci dünya kuboku çərçivəsində Heydər Əliyev Fondunun təşkilatçılığı ilə ərsəyə gətirilmiş Azərbaycan pavilyonunda sərgilənir. Milli pavilyonda, həmçinin xüsusi geyimlər, xalçaçılıq və ipəkçilik sənəti, milli musiqi alətləri, müxtəlif sənətkarlıq nümunələri, müxtəlif arxeoloji tapıntılar, qədim sənət növlərinə məxsus alətlər, o cümlədən dulusçuluq nümunələri nümayiş olunur.

Azərbaycan qızılları yarışları izləyən İsveçrə vətəndaşları, eləcə də müxtəlif ölkələrdən gəlmiş qonaqlar tərəfindən böyük maraqla qarşılanıb. Pavilyonu ziyarət edənlərə Azərbaycanın müasirliyini, tarix və incəsənətini, qədim ənənələrini təbliğ edən “Heydər Əliyev Mərkəzi”, “Qobustan”, “Çələbi”, həmçinin “Qarabağ inciləri”, “Şuşa” və “Xurşidbanu Natəvan” qızıl sikkə kolleksiyaları ilə bağlı ətraflı məlumatlar verilib.

Qeyd edək ki, sərgi yanvarın 29-dək davan edəcək.

1

1

1



Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary


Загрузка...