Ednews.net xəbər portalının müxbiri Elnur Ənvəroğlunun məqaləsi İsrail mediasında dərc olunub. Onun Tehranla İrəvan arasında münasibətlər haqda verdiyi şərh “İsrail Hayom”da yer alıb.

 Sözügedən açıqlamanı təqdim edirik:

“Əslində Tehranla İrəvanın “qardaş şəhər” razılaşması imzalaması İranın Cənubi Qafqazda ən böyük tərfdaş olan Azərbaycanı itirdiyini bir daha göstərir. İran həmçinin Ermənistanla irtibatın kəsiləcəyindən və həmin ərazinin Azərbaycan ərazisi olacağından bərk narahatdır. Reallıq isə budur ki, Naxçıvan Azərbaycandır və ona gedən yol da Azərbaycanın ərazi bütövlüyünə aiddir”. 

Jurnaliting fikrincə, “məhz bu səbəbdən İran Ermənistanı özünə “qardaş bilir” və bu bir faktdır ki, İranın regionda Ermənistandan başqa döyəcəyi qapısı da yoxdur. Bu məqsədlərin xaricində İranın heç bir tərəfdaş və ya qardaşı ola bilməz. Çünki “İran İslam Respublikası”ndakı fars ideologiyasına görə hər şey onlara aiddir. Bu da Ermənistanla bir növ onların yaxın düşüncə tərzində olmasından ibarətdir. Onu da qeyd edim ki, İranın təşvişə düşmə səbəbi ikinci Qarabağ müharibəsindən sonra Zəngəzur məsələsindən sonra ortaya çıxmağa başlayıb”.