2020-ci il 20 oktyabrda həbs edilən Rusiyalı azərbaycanlı jurnalist, “Azru.org” nəşrinin baş redaktoru Roman Ağayev azadlığa buraxılıb.
Ednews-un əldə etdiyi məlumata görə, 2018-ci il oktyabrın 6-da Moskvanın Yekatirina parkında təşkil olunan Nar Bayramında "Moskva Azərbaycanlıları Milli Mədəni Muxtariyyətinin rəhbəri" Ağadadaş Kərimovla mübahisə edən jurnalist güzəştli şərtlərlə azad edilib.
Belə ki, təxminən 3 ilə yaxın ev dustaqlığında Roman Ağayev və onunla həbs edilən Rahib Bayramov məhkəmə tərəfindən zərərəçəkmiş kimi tanınan Ağadadaş Kərimova 220.000 rus rublu məbləğində dəymiş ziyana görə kompensasiya ödəməli olacaq. Bundan əlavə Ağayev Kərimova dəyən mənəvi zərərə üçün 50.000, əmlakına dəyən ziyana görə 650.000, hüquqi prosedurlara xərclənən 20.000 rublu da qaytarmalı olacaq. Bunun müqabilində Roman Ağayev məhkəmə zalından azadlığa buraxılıb.
Qərarın 15 gün ərzində yerinə yetiriləcək.
Qeyd edək ki, jurnalistin həbsinəə səbəb olan hadisə 2018-ci il oktyabrın 6-da Moskvanın Yekatirina parkında təşkil olunan Nar Bayramında baş verib. Bayram proqramının "Moskva Azərbaycanlıları Milli Mədəni Muxtariyyətinin rəhbəri" Ağadadaş Kərimovun başçılığı altında keçirilməsinə baxmayaraq, tədbirdə bir nəfər də olsa Azərbaycan tərəfindən nümayəndə iştirak etməyib.
Bu, Azərbaycan adına orada olan jurnalistlər Roman Ağayev heysiyyətinə toxunub və onlar festivala gələrək təşkilatçıya iradlarını bildiriblər.
Ağadadaş Kərimov özü tədbirdə iştirak edən azərbaycanlı jurnalistləri təhqir edərək, oradan uzaqlaşdırmağa çalışıb. Hətta onları polis və xüsusi təyinatlar qrupunu çağıracağı ilə də hədələyib.
Hadisədən bir il sonra A.Kərimov erməni diasporasının sifarişi ilə Roman haqqında RF-nın cinayət məcəlləsinin 167-ci maddəsi ( özgəsinin mülkiyyətinə xəsarət yetirmək) ilə cinayət işi başladıb. Hadisədən 2 il sonra isə 2020-ci il 20 oktyabr tarixində səhər saat 6-da qəflətən Ağayevin evinə qara maskalı xüsusi təyinatlılar girərək jurnalisti həbs ediblər.
Qeyd edək ki, Roman Ağayevin anası belorusdur və o, özü 17 ildir Rusiyada yaşayır.
Moskva Azərbaycanlılar dərnəyinin başçısı A.Kərimov isə təmiz azərbaycanlı olsa da həyat yoldaşı erməni milliyətindəndir və o, qızını da erməniyə ərə verib.
Aysel Şahmar