Vətəndaşlar son zamanlarda əməkhaqqının bir ayın ancaq 10 gününə  yetdiyi haqqında şikayətlənirlər. Onların narazılıqları bu aydan digər aya çatmayan əmək haqqı və məvacibin yemək və kommunal ödənişlərə ancaq çatması haqqındadı.

Dövlət Statistika Komitəsinin 2022-ci illə bağlı açıqladığı göstəricilərə əsasən, ölkə əhalisinin gəlirlərinin 51,6 faizi ərzaq məhsullarına xərclənib.

Digər tərəfdən, 2021-ci illə müqayisədə pərakəndə ticarət dövriyyəsi real ifadədə 3,1 faiz, o cümlədən ərzaq məhsulları, içkilər və tütün məmulatları üzrə 2,3 faiz artım olub.

Bəs, ərzaq xərclərinin bu qədər çox olmasının başlıca səbəbləri hansılardır? Azərbaycanlılar niyə bu qədər yeməyə pul xərcləyirlər?

Sosioloq Lalə Mehralı Ednews-a  bildirib ki, bu rəqəm göstərilən statistikadan daha çoxdur.  

Sosioloq vurğulayıb ki, söhbət orta əməkhaqqından  gedirsə, təbiidir ki, bunu görməmək qeyri-mümkündür. 

“Gəlin, 500 manatdan ətrafında müzakirə edək. Bəli, azərbaycanlı olaraq yeməyə daha çox pul xərcləyən millətik. Amma nəzərə alaq ki,  xərclərin 250 manatı əgər qidaya sərf olunursa  digər 250 manat da təhsil, tibb, qeyri-qida məhsullarına xərclənir. Təsəvvür edin ki,  250 manatla bir ailə necə qidalana bilər? İnkişaf etmiş ölkələrdə insanlar məvacibin  28-30 faizini  qidaya xərcləyirlər. Hətta bəzi ölkələrdə daha az maaşın  17-18 %- i yemək üçün sərf edilir. Bu onların az yemək yediyi anlamına gəlmir. Bizim millət daha çoxunu ət məhsullarına xərcləyir”.

Sosioloq həmçinin onu da qeyd edib ki, indiki bahalaşmanın fonunda qidalanma mövzusunda daha şanslıdırlar. 

“Bir kilo yağ və ətin qiyməti ilə hesablayanda əməkhaqqının çox hissəsinin  qidaya xərcləndiyi üzə çıxır”.

Ayan Rzayeva