Xəbər verdiyimiz kimi, Əməkdar mədəniyyət işçisi, məşhur prodüser Oqtay Əliyev yol-nəqliyyat hadisəsi nəticəsində dünyasını dəyişib.
Həmin avtomobildə O.Əliyevin aktrisa həyat yoldaşı Əməkdar artist Dilarə Əliyeva və Xalq artisti Mehriban Zəki olub.
Ednews xəbər verir ki, onların səhhəti ilə bağlı məlumat əldə etmək üçün Bizim.Media-nın əməkdaşı Dilarə Əliyevanın aktyor qardaşı Vüsal Əliyevlə əlaqə saxlayıb.
Vüsal açıqlamasında həm bacısının, həm də M.Zəkinin bədən xəsarətləri aldıqlarını və hazırda həkimlər tərəfindən Sumqayıt Travmatologiya Xəstəxanasında rentgen olduqlarını söyləyib.
