Ötən gün axşam saatlarında yol qəzasında dünyasını dəyişən Əməkdar mədəniyyət işçisi Oqtay Əliyev ilə vida mərasimi keçirilir.
Ednews xəbər verir ki, mərhumun Yasamal rayonunda yerləşən evində keçirilən vida mərasimində incəsənət xadimləri, mərhumun ailə üzvləri, sənət dostları və yaxınları iştirak edirlər.
Mərasimdən sonra mərhum "Qurd qapısı" qəbiristanlığında dəfn olunacaq.
Xatırladaq ki, dünən axşam saatlarında Oqtay Əliyevin Mehdiabaddakı ailə qəbiristanlığında dəfn olunacağı deyilmişdi.
