Qəməri təqviminin doqquzuncu ayı ramazan adlanır. Ramazan Müsəlmanların oruc tutmaqla mükəlləf olduğu, dinimizdə uca və müqəddəs sayılan bir aydır. Oruc tutmaq – sağlam, ağıllı və həddi-buluğa çatmış hər bir müsəlmana fərzdir (vacibdir). Oruc tuta bilməyən qocalar və xroniki ağır xəstələr oruc tutmaqdan azad olunurlar. Lakin onlar fidyə verməli, yəni orucluğun hər bir gününün müqabilində bir yoxsula yemək verməlidirlər. Bir dəfəyə, yaxud ayrı-ayrı vaxtlarda 30 nəfəri yedizdirmək də olar. Hamilə və uşaq əmizdirən qadınlar, uşaqlarının sağlamlığına zərər dəyməsindən qorxduqda oruclarını kəsə bilərlər.

 

Ramazan ayında oruc tutan xanımlar oruca dietik cəhətdən yanaşırlarsa bu Allah qatında fərzdir? 

 

Bu barədə Ednews-a ilahiyyatçı Tural İrfan açıqlamasında bildirib ki, Ramazan orucu 1 ay davamlı şəkildə bütün sağlam, həddi buluğa çatmış, ağıllı, müqim (yəni səfərdə olmayan) müsəlmana fərzdir. 

 

“Oruc tutmaq Allah tərəfindən əmridir və namazdan sonra İslam dinində ikinci vacib əhəmiyyətli ibadət hesab olunur. İbadət isə sırf Allah rizası üçün, İlahi əmr olduğu üçün edilməlidir. Əgər niyyət dietik cəhətdən arıqlamaqdırsa o oruc yox, pəhriz sayılır və məqbul deyildir. Tutaq ki, bir şəxs namazı ibadət üçün yox, idman niyyəti ilə qılsa o da qəbul deyil. Həcc ziyarətinə ibadət niyyəti ilə deyil, turizm məqsədi ilə getsə o da qəbul deyil. Yəni, ibadətlərin hamısında əsas olan niyyət və məramdır.Müsəlman istər kişi, istər qadın olsun, orucu sırf Allaha görə, vacib əmr olunduğuna görə tutmalıdır. Öz mənafeyi, səhhəti, artıqlaması, yaxud kiməsə göstərmək üşün icra edərsə bu oruc sayılmaz, ibadət hesab olunmaz. Özü özünü aldatmış sayılar.

 

O, qadınların arıqlamaq istəyinə qarşı fikirində isə “bunu Ramazandan başqa vaxtda da pəhriz saxlaya bilərlər, yaxud müstəhəb oruc tuta bilərlər.” - deyə bildirib.

 

“Bununla yanaşı oruc tutanın niyyəti Allah üçün olsa, bu oruc onsuz da onun sağlamlığına, dietasına və digər məsələlərə də müsbət təsir edəcək.”

 

İlahiyyatçının sözlərinə görə, inamı olmayana gəldikdə isə oruc tutmaq İslam dinində müsəlmanlara, yəni Allaha, Qurana, Axirətə, Peyğəmbərlərə iman gətirənlərə buyurulub. Əgər insan Quranı, İslamı qəbul etmirsə, ateistdirsə, yaxud ümumiyyətlə inancsızdırsa onun orucunun Allaha, dinə, İslama heç bir aidiyyəti yoxdur. Onun icra etdiyinin sadəcə adı orucdur. İslam dinində əməllərdən əvvəl iman gətirmək, əqidə əsas şərtdir. Əqidə İslam deyilsə onun icra etdiyi oruc deyil, pəhrizdir.”

 

İlahiyyatçı Elşad Miri də mövzu ilə bağlı danışıb. O, qeyd edib ki, Ramazan Quran ayıdır. Pəhriz ayı deyil.

 

“Dieta saxlayanlar buna uyğun olaraq mükafat alacaqlar, yəni arıqlayacaqlar. Allahın buyuruğu olaraq tutanlar da Allahın müəyyənləşdirəcəyi mükafatı əldə edəcəklər. İnamı olmayandan da nə üçün oruc tutduğunu soruşmaq lazımdır.”

 

Vəfa Ustayeva

 

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary