5 May 2023-cü il tarixində Azərbaycan Texniki Universiteti və IMAQ Araşdırma Qrupu, İslamabad Vəqf Universitetinin təşkilatçılığı ilə inkişaf etməkdə olan sahibkarların “6-cı CODE Beynəlxalq Bakı 2023” mövzusunda beynəlxalq konfransı keçiriləcək.
Ednews xəbər verir ki, “6-cı CODE Beynəlxalq Bakı 2023” region ölkələrində texnologiya, innovasiya və kommersiyalaşdırmanın inkişafına yönəlmiş beynəlxalq konfransdır.
Konfrans Azərbaycan, Türkiyə və Pakistandan olan ekspert, tədqiqatçı və inkişaf etməkdə olan sahibkarların aparıcı şəbəkə platformasıdır.
Konfransda çıxış edənlər sırasında Azərbaycan Texniki Universitetin rektoru Vilayət Vəliyev, Pakistan Azərbaycan İqtisadi Əməkdaşlıq Palatasının rəhbəri Xurram Cavaid Bhatii, Türkiyənin Konya Teknokent təşkilatının prezidenti professor Mehmet Hamurçu və başqaları olacaq.
Ülviyyə Şahin