“Sərhədsiz Reportyorlar” təşkilatı (RSF) 2023-cü il üçün Dünya Mətbuat Azadlığı İndeksini açıqlayıb.
Ednews CNN-ə istinadən xəbər verir ki, nəticələrə əsasən, təşkilatın hesabatında 31 ölkə “çox təhlükəli”, 42 ölkə “çətin”, 55 ölkə “problemli”, 52 ölkə isə “yaxşı” kimi təsnifatlaşdırılıb. 10 ölkədən 7-də mətbuat mühitinin “pis”, qalan 3-də “qənaətbəxş” olduğu qeyd edilib.
Statistikaya görə, Yaxın Şərq və Şimali Afrika media nümayəndələri üçün dünyanın ən təhlükəli regionu olaraq qalır. Bu ölkələrin yarıdan çoxu “çox pis” olaraq qiymətləndirilib. Belə ki, siyahıda Suriya 175, Yəmən 168, İraq isə 167-ci yerdə qərarlaşıb. Bu ölkələrdə çox sayda jurnalist itkin düşüb və ya girov götürülüb.
“Sərhədsiz Reportyorlar” beynəlxalq qeyri-hökumət təşkilatıdır. Onun məqsədi azad mətbuat mühitini qorumaqdır. Təşkilat hər il 180 ölkə arasında mətbuat azadlığının vəziyyətini 5 kateqoriya üzrə qiymətləndirir qiymətləndirir - siyasi və iqtisadi kontekst, hüquqi çərçivə, sosial və mədəni kontekst və təhlükəsizlik. Bu kateqoriyalar üzrə jurnalistlərin sərbəst fəaliyyəti onlara qarşı edilmiş pozuntular və seçilmiş yüzlərlə ekspertin (jurnalistlər, akademiklər və hüquq müdafiəçiləri daxil olmaqla) verdiyi cavablara əsaslanan təhlil edilir və qiymətləndirmə aparılır.
Törə Zeynal