“Şuşa Qlobal Media Forumu Azərbaycanın siyasi və sosial problemlərinin tanıdılması üçün mühüm platformadır”.
Bu fikirləri Ednews –a özəl açıqlaması zamanı İctimai Azadlıqlar və İnsan Haqları Mərkəzinin rəhbəri doktor Sami Əl-Həcc özəl müsahibəsi zamanı səsləndirib.
Əl- Həcc qeyd edib ki, Şuşa Qlobal Media Forumda 100-dən çox media orqanları, həmçinin müxtəlif ölkələrdən 150-dən çox jurnalist iştirak etib . İştirakçilər bir çox məsələlər, o cümlədən yeni media, jurnalistlərin müdafiəsi və digər mühüm məsələlər ətrafında fikir mübadiləsi aparıblar.
“Qonaqlar Prezident İlham Əliyevin çıxışı vasitəsilə ermənilərin Qarabağda törətdikləri cinayətlər haqqında geniş məlumat aldı.
Qarabağın yenidən qurulması və qaçqınların öz torpaqlarına qayıdışı üçün böyük işlər görülür. Bundan başqa Azərbaycanda mətbuata və jurnalistlərə verilən böyük dəyərin şahidi olduq ki, bu da forumda gedən müzakirələrin səmərəli olmasına səbəb oldu”.
Əl-Həcc forumda iştirakına görə Beynəlxalq Avrasiya Mətbuat Fondunun prezidenti Umud Mirzəyevə öz xüsusi təşəkkürünü bildirib. O, qeyd edib ki, burada olmağında onun yaxın dostu Umud Mirzəyevin rolu böyükdür.
“Mən ona və onun komandasına bu forumda iştirak etmək üçün bizə yaratdığı imkana görə ona xüsusi təşəkkürümü bildirirəm. Bizim aramızda olan əməkdaşlıq çox faydalıdır. Keçmişdə Qarabağ məsələsini xarici KİV-lər tərəfindən işıqlandırılıb, bəzən bu özlüyündə yanlış təbliğata yol açırdı. Lakin BAMF ilə əməkdaşlığa başladıkdan sonra Azərbaycan xəbərlərini rəsmi və etibarlı mənbələrdən alıb müxtəlif dillərdə “Əl-Cəzirə” media şəbəkəsinin müxtəlif şöbələrində tamaşaçılara təqdim etmək imkanı qazandıq”.
Loğman Yunis
