ANTEC Academy İT və Proqramlaşdırma üzrə Təlim-tədris mərkəzi VPN proqramlarının təhlükəsi ilə bağlı maraqlı açıqlama yayıb. 

Açıqlamada deyilir: “Həm cəmiyyət, həm də fərd olaraq informasiya təhlükəsizliyimizin qeydinə qalmağımız olduqca vacibdir. 

Ednews xəbər verir ki, bu mənada xüsusilə həssas dönəmlərdə hər birimiz təhlükəsizlik məsələlərinə ciddi önəm verməli, diqqətli olmalıyıq. 
Unutmaq olmaz ki, informasiya mübadiləsində məlumatların rəqib tərəfin əlinə keçməsi həm də milli təhlükəsizlik məsələsidir. Bu səbəbdən VPN-lər ciddi təhlükə mənbəyidir. 

1. Güvənlik Siyasəti: VPN xidmətləri məlumatlarınızı toplamaq, saxlamaq və hətta paylaşmaqla bağlı hüquqi prosedurlara tabe olmaya bilərlər. Bu isə məlumatlarınızın ələ keçirilməsi ilə nəticələnməsi deməkdir. Sizə aid olan yazışmalar, bilgilər, şəxsi məlumatlar qarşı tərəfə başqa serverlər tərəfindən ötürüldüyü üçün datalarınız asanlıqla oğurlana  bilər. 
2. Zərərli Proqramlar: VPN xidmətləri internetdə fəaliyyət göstərən zərərli proqramlar və viruslar üçün potensial hədəfdir. VPN təhlükəszilik tədbirlərinə dayanıqlı deyil. Bu isə onun kənar müdaxilələrə, kiber hücumlara açıq olduğunu göstərir.
3. Hüquqi Məsələlər: Bir çox VPN xidmətlərinin ofis və serverlərinin hansı ölkədə yerləşməsi barədə məlumat verilmir və ya bu məlumat ümumiyyətlə mövcud deyil. Bu isə məlumatların mühafizəsini və hüquqi qoruma altında olmasını mümkünsüz edir.