Ümumdünya Səhiyyə Təşkilatının Azərbaycan üzrə 2015-ci ildə təqdim etdiyi rəqəmlərlə 2019-cu ildəki rəqəmləri qarşılaşdırdıqda hər 100 min nəfərə düşən intiharla ölümün 3, 1-dən 4, 1-ə yüksəldiyi görünür.
Azərbaycanda artan qadın intiharlarının səbəbləri nədir?
Bu barədə Ednews-a sosioloq Lalə Mehralı bildirdi ki, intihar, dünyada yaşanan ölüm halları arasında ilk 10-luqda yer alır. Eyni zamanda gənclər arasında ölüm səbəbləri sırasında da üçüncü yerdə qərarlaşıb. Dünyada hər il təxminən 20 milyon insan intihara cəhd edir və bunun 1 milyonu ölümlə nəticələnir:
“Çox səbəb sadalamaq olar, sərt iş rejimi, stress və qorxu altında keçən ömür, qidalanma və tv-lərin əvəzsiz “fəaliyyəti” intihar hallarının artması üçün lazımı zəmin yaradır. İntihar əslində bir SOS siqnalıdır – bir növ intihara əl atan adamın yardım istəmək üsuludur. Onlar əslində ölümü seçənədək çox “get-gəl”də qalırlar. Ölümlərindən sonra ailələrinin keçəcəyi çətinliklər, yaşayacaqları problemlər - hamısını düşünürlər əslində.
İntiharların azalması üçün ən birinci stress faktoru çıxmalıdır hyəyatımızdan, ikincisi sosial vəziyyət yüksəlməlidir. İnsanlar bu gün var yedik, sabah nə yeyəcəyik dərdindən qurtulmaldır. Ömrü boyu işləyən insan bir dəfə istirahətə apara bilmir ailəsini, bu ədalətsizlikdir.
İnsanlar artan iş yükünün əvəzində günü gündən çətinşən dolanışıq dərdi ilə, maddi problemlərlə çox yüklənirlər – həm iş yerində, həm ailədə, həm də cəmiyyətdə. Xüsusilə kişilər həmişə güclü görünməyə məcbur edilirlər, gücləri tükənsə belə. Bir gün gücləri tükənir və intihar real olur”.
Oğuz