Beynəlxalq Avrasiya Mətbuat Fondunun prezidenti Umud Mirzəyev Azərbaycan Dövlət Pedaqoji Universitetinin 100 illik yubiley medalı ilə təltif olunub.
Ednews xəbər verir ki, təqdimat mərasimi BAMF-ın baş ofisində keçirilib. 100 illik yubiley medalını Azərbaycan Dövlət Pedaqoji Kollecinin direktoru, "Ümid" Sosial İnkişafa Dəstək İctimai Birliyinin sədri İsrail İsgəndərov Umud Mirzəyevə təqdim edib.
U.Mirzəyev təltifə görə Elm və təhsil naziri Emin Əmrullayevə, ADPU-nun rektoru professor Cəfər Cəfərova, İsrail İsgəndərova təşəkkür edib.
Qeyd edək ki, 2021-ci ildə Prezident İlham Əliyev Azərbaycan Dövlət Pedaqoji Universitetinin 100 illik yubileyinin qeyd edilməsi haqqında Sərəncam imzalayıb.
Azərbaycan Dövlət Pedaqoji Universiteti ölkəmizin təhsil tarixində xüsusi yer tutan, zəngin ənənələrə malik ali təhsil müəssisələrindəndir. Yarandığı vaxtdan etibarən Universitet üzərinə düşən vəzifələri həmişə layiqincə yerinə yetirmiş, respublikamızla yanaşı, bir sıra digər ölkələr üçün elmi-pedaqoji kadr hazırlanması işini müvəffəqiyyətlə həyata keçirmişdir.
Oğuz