"Minalar insanların yer üzündə yaratdığı xərçəng xəstəliyidir. Əraziləri onlardan təmizləmək və torpağı həyata qaytarmaq lazımdır".

Ednews xəbər verir ki, bunu “Sülhün kökləri” (“Roots of peace”) təşkilatının rəhbəri, “Ümumdünya Ərzaq Mükafatı” laureatı Heydi Khün Zəngilanda “Minaların ətraf mühitə təsirinin azaldılması: Təhlükəsiz və yaşıl gələcək üçün resursların səfərbər olunması” mövzusunda keçirilən beynəlxalq konfransda deyib.

Onun sözlərinə görə, ərazilər minalardan təmizləndikdən sonra bu torpaqlarda ağacların əkilməsi və üzümlərin yetişdirilməsi onları gələcək nəsilləri qidalandırmaq üçün həyata qaytaracaq.

“Üstəlik, hər əkilən ağac karbon qazını da udur. Beləliklə, bu, dünyanın biznes modelidir. Biz bütün dünyada dinc iqtisadiyyat, minalardan təmizlənmə, yaşayış məntəqələrinin bərpası və əhalinin məskunlaşdırılması ilə bağlı məsuliyyət daşıyırıq".

Heydi Khün qeyd edib ki, biz Xorvatiyada ağacəkmə kampaniyasına başladıq və bir neçə əraziyə getdik, böyük əraziləri  minalardan təmizlədik:

"Biz minaların təmizlənməsi təşəbbüsü ilə çıxış etdik. Əfqanıstana getdik və bizə dedilər ki, Əfqanıstanda çoxlu üzüm təsərrüfatları var, lakin onların 80%-i minalarla çirklənib və biz orada olan minaları təmizlədik. Həmçinin Vyetnam torpaqlarını 15 il ərzində minalardan təmizlədik. Bizim təşkilatımız Anqolada minaların təmizlənməsində də iştirak edib.  Sonda sizi Qarabağda minaları təmizləmək üçün bu mühüm tədbirdən yararlanmağa dəvət etmək istəyirəm, çünki növbəti dəfə Qarabağa qayıdanda yenə minalar haqqında danışmaq istəmirəm. Diqqətinizə görə təşəkkür edirəm".

Konfrasdakı çıxışdan video-süjeti təqdim edirik: