Belçika Azərbaycana işğaldan azad edilmiş ərazilərdə minatəmizləmə fəaliyyətlərini dəstəkləmək üçün 250 min avro ayırıb.
Ednews xəbər verir ki, bunu Azərbaycan Xarici İşlər Nazirliyinin idarə rəisi Qaya Məmmədov “X” səhifəsində yazıb.
“Brüsseldə Belçikanın Azərbaycana minalardan təmizlənməsi üçün ayırdığı 250 000 avro məbləğində yardımın təqdimat mərasimində çıxış etməkdən məmnun oldum. Minalar məcburi köçkünlərin təhlükəsiz qayıtmasına əsas maneədir. Bu yardım insan həmrəyliyinin rəmzidir və ikitərəfli münasibətlərimizdə müsbət addımdır”, - o paylaşımında qeyd edib.
