“İstəyim o idi ki, İrəvanda Azərbaycan bayrağı dalğalanmasın”.
Ednews xəbər verir ki, bunu İrəvanda keçirilən Avropa çempionatında Azərbaycan bayrağını yandıran erməni dizayner Aram Nikolyan deyib.
O, bununla bağlı videomüraciət edərək qeyri-etik davranışına haqq qazandırıb.
Qeyd edək ki, ötən gün Ermənistanda keçirilən Ağır Atletika üzrə Avropa çempionatının açılış mərasimində Azərbaycana qarşı təxribat baş verib.
İrəvanda keçirilən çempionatın açılış mərasimində Azərbaycanın dövlət bayrağı yandırılıb.
Bayraqların paradında Azərbaycan bayrağı zala gətirildikdən sonra Aram Nikolyan səhnəyə çıxaraq milli simvolumuzu götürərək yandırıb və zaldan çıxarıb.