Bu gün minifutbol üzrə Azərbaycan millisi Birləşmiş Ərəb Əmirliklərinin Ras Əl-Xayma şəhərində təşkil olunan dünya çempionatında 1/8 final oyununa çıxıb.
Ednews xəbər verir ki, Elşad Quliyevin baş məşqçilik etdiyi komanda Portuqaliya seçməsi ilə üz-üzə gəlib və 3:0 hesabı ilə qalib gələrək 1/4 finala yüksəlib. Komanda bu mərhələdə Bolqarıstan - İngiltərə cütünün qalibi ilə qarşılaşacaq.
Qeyd edək ki, son Avropa çempionu olan Azərbaycan yığması mundialın G qrupunda mübarizəni maksimum nəticə ilə başa vurub - 4oyun, 12 xal. Milli qrupda həm Misirə, həm İraqa, həm də Küveytə qalib gəlib.
Azərbaycan - Portuqaliya 3:0
Qollar: Mirmehdi Rzayev 30, Elvin Əlizadə 45, Rəvan Kərimov 50
