Anna Danibekyanın rəhbəri olduğu Yerevanın ictimai hüquq məhkəməsi Ermənistanın sabiq Prezidenti Robert Koçaryanın həbsdə qalması ilə bağlı qərar qəbul edib.
Eurasia Diary “Sputnik Ermənistan”-a istinadən xəbər verir ki, Danibekyan Koçaryan tərəfinin sabiq prezidenti dərhal azad etməsi ilə bağlı şikayətini rədd edib.
Qeyd edək ki, sentyabrın 12-də Koçaryanın vəkilləri sabiq prezidentə qarşı azadlıqdan məhrumetmə qərarının dəyişdirilməsi ilə bağlı müraciət edib.
Xatırladaq ki, sabiq prezident 2008-ci il martın 1-də baş tutan aksiyaların dağıdılması işi üzrə konstitusiya quruluşunu devirməkdə ittiham edilir. R.Koçaryan 2018-ci ildə iki dəfə həbs olunub. Bu il iyunun 25-də isə onun barəsində üçüncü dəfə həbs qərarı çıxarılıb. (oxu.az)