Rusiyada 400-dən çox jurnalist koronavirusa yoluxub | Eurasia Diary - ednews.net

16 İyul, Cümə axşamı


Rusiyada 400-dən çox jurnalist koronavirusa yoluxub

Dünya A- A A+
Rusiyada 400-dən çox jurnalist koronavirusa yoluxub. Onların çoxu xəstəliyi yüngül keçirib, beş KİV əməkdaşı isə infeksiya səbəbindən həyatını itirib.
 
EDNews.net  Interfax informasiya agentliyinə istinadla xəbər verir ki, bu barədə Rusiya Jurnalistlər İttifaqının sədri Vladimir Solovyov məlumat verib. Onun sözlərinə görə, Beynəlxalq Jurnalistlər Federasiyası bütün dünyada 30 ölkədən olan 60-dan çox KİV əməkdaşının COVID-19 xəstəliyindən vəfat etdiyi barədə informasiya yayıb.
 
Mənzil qərargahı Cenevrə şəhərində yerləşən "Press Emblem Campaign” qeyri-hökumət təşkilatı isə öz növbəsində bu ilin mart ayından indiyədək koronavirus infeksiyasından 31 ölkədən azı 117 jurnalistin öldüyünü bildirib.
 
Qeyd edək ki, 2019-cu ilin sonlarında Çinin Hubey əyalətinin Uxan şəhərində yeni koronavirusun səbəb olduğu xəstəlik sürətlə yayılmağa başlayıb və tez bir zamanda bütün dünyanı bürüyüb. Mart ayının 11-də Dünya Səhiyyə Təşkilatı COVID-19 xəstəliyinə səbəb olan yeni koronovirusun yayılmasını pandemiya elan edib.

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan


Загрузка...