Navalnı hadisəsi ilə bağlı yaranmış vəziyyət “Şimal Axını-2” layihəsinə təsir etməməlidir.
Eurasia Diary TASS agentliyinə istinadən xəbər verir ki, bu sözləri Rusiya Xarici İşlər Nazirinin müavini Aleksandr Qruşko söyləyib.
“Biz verilmiş bəyənatların hamısını eşidirik. Lakin bizim mövqeyimiz bəllidir. Bu ticari layihədir və siyasətdən kənar qalmalıdır, Avropa enerji təhlükəsizliyini gücləndirilməsini iqtisadi əməkdaşlığı inkişafı üçün platforma yaratmasını nəzərə alaraq və əlbəttə bütün bu maraqların üstünlük təşkil etməsini dəstəkləyirik”, deyə o, jurnalistlərə bildirib.
O, həm də ABŞ Prezidenti Donald Trampın Navalnının zəhərlənməsi səbəbindən bu layihədən imtina olunması bəyənatına da şərh bildirib.
“Burada yeni heç nə yoxdur. Onlar davamlı və sistematik olaraq Şimal Axını layihəsinə qarşı mübarizə aparırlar. Sonunda Avropa əgər vassal vəziyyətinə düşmək istəmirsə öz milli maraqlarını ifadə etməyə güc tapmalıdır”.
