Ssenari işə düşür? - Ermənistanda toqquşma ehtimalından danışdılar | Eurasia Diary - ednews.net

19 Aprel, Bazar ertəsi


Ssenari işə düşür? - Ermənistanda toqquşma ehtimalından danışdılar

Dünya A- A A+

Siyasi ekspert mülki şəxslərlə ordu arasında toqquşmaları istisna etmir. O, baş nazirin gedişinə alternativ görmür.

Ermənistan Silahlı Qüvvələrinin Baş Qərargahı öz qərarından dönməsə, Baş nazir Nikol Paşinyan qaçmağa məcbur olacaq. Eurasia Diary xəbər verir ki, siyasi ekspert Armen Badalyan bunu Sputnik Ermənistan-a müsahibəsində deyib.
 
"Bəyanatı təkcə Baş Qərargah rəisi Onik Qasparyan deyil, həmçinin bütün korpus rəhbərləri imzalayıb, bu da bütün ordunun hökumətə qarşı olduğunu göstərir. Baş nazir tərəfdarlarına silah paylasa belə, silahlı qüvvələrə müqavimət göstərə bilməyəcəyik", o deyib.
 
Badalyan əlavə edib ki, indi Paşinyan polis və qoşunları kimi heç bir iş görə bilməyən deputat tərəfdarlarına güvənir. Ekspertin fikrincə, bunlar arasında baş nazirə mütləq dəstək də yoxdur. Onlar ölkədəki mövcud rejimi canları bahasına müdafiə etməyəcəklər. Adi vətəndaşlara gəldikdə, Paşinyan başa düşür ki, onlar ordunun qarşısında durmaq və onu qorumaq iqtidarında deyillər.
 
"Tərəfdarları azdır və toqquşmalar istisna edilmir. Əsgərlər şəhərə gətirilsə, Paşinyanın tərəfdarları da daxil olmaqla hamı dağılar. Onlar qətiyyən intiharçı deyillər", deyə ekspert qeyd edib.
 
O, əlavə edib ki, səlahiyyətlilər orduya qarşı güc tətbiq edərsə, Onik Qasparyan silahlı çevriliş edəcək və o zaman Paşinyan üçün ən pis ssenari həyata keçiriləcək. Ekspert Baş Qərargahın qərarının gözlənilməz olmadığını vurğulayıb. Bunların, xarici amillərin təsiri də daxil olmaqla planlı addımlar olduğunu istisna etməyib.
 
Qeyd edək ki, bundan əvvəl Ermənistan Silahlı Qüvvələrinin Baş Qərargahı Baş nazir Nikol Paşinyanın istefasını tələb edən açıqlama verib. Buna cavab olaraq hökumət başçısı ölkədə hərbi çevriliş cəhdi olduğunu elan edib və tərəfdarlarını küçələrə çıxmağa çağırıb.

 

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary


Загрузка...