Azərbaycanın Polşadakı səfirliyi Ukraynadan təxliyyə olunmağı gözləyən vətəndaşlara müraciət edib. Açıqlamada bildirilir ki, məlumatlar əsasında vətəndaşlarımız siyahıya alınacaq və onlar üçün Polşadan Azərbaycana təxliyə uçuşları təşkil olunacaq.
Açıqlama:
“Avtobuslar müxtəlif şəhərlərdə yerləşən qəbul məntəqələrinə hərəkət edir. Vətəndaşlarımız həmin qəbul məntəqələrində yerləşdirildikdən dərhal sonra Azərbaycan Respublikasının Polşadakı Səfirliyinin 0048576900183 saylı qaynar xəttinə bağlı “WhatsApp” nömrəsinə, yaxud [email protected] elektron poçt ünvanına aşağıdakı məlumatı göndərməlidirlər:
1) Pasportun (olmadığı təqdirdə şəxsiyyətini təsdiq edən istənilən sənədin) surəti (fotoşəkli);
2) Hazırda yerləşdirildiyi ünvan;
3) Telefon nömrəsi (və olduğu təqdirdə “WhatsApp” nömrəsi);
4) Azərbaycanda yaxın qohumunun ünvanı və telefon nömrəsi.
Həmin məlumatlar əsasında vətəndaşlarımız siyahıya alınacaq və onlar üçün Polşadan Azərbaycana təxliyə uçuşları təşkil olunacaq. Təhlükəsizlik şərtlərini nəzərə alaraq, təxliyə təyyarəsinə yalnız adları səfirliyin siyahısında olan şəxslər buraxılır. Təxliyə zamanı ilk növbədə qadınlara, uşaqlı valideynlərə, yaşlılara və tələbələrə üstünlük verilir. Digər kateqoriyadan olan vətəndaşlar növbəyə alınırlar.
.jpeg)
