Ermənistanın paytaxtı İrəvanda Baş nazir Nikol Paşinyanın istefası tələbi ilə aksiya keçirən müxalifət tərəfdarları hökumət binasına gəlib çatıblar.
Ednews RİA Novostiyə istinadən xəbər verir ki, polis əməkdaşları hökumət binasını dövrələyib.
İrəvanın mərkəzində etiraz aksiyalarında saxlanılanların sayı 117-yə çatıb.
“Hayastan” fraksiyasının üzvü İşxan Saqatelyan yerli vaxtla 19:00-da “Fransa” meydanında mitinq keçiriləcəyini bəyan edib.
***
Ermənistanın paytaxtı İrəvan şəhərinin küçələrində nəqliyyatın hərəkəti bərpa olunub.
Ednews “Sputnik Armenia”ya istinadən xəbər verir ki, bu barədə Ermənistan Polisi məlumat yayıb.
İrəvanın mərkəzində Ermənistanın Baş naziri Nikol Paşinyanın istefası tələbi ilə keçirilən etiraz aksiyasında təxminən 70 nəfər saxlanılıb.
***
Ermənistanın paytaxtı İrəvanda hakimiyyət əleyhinə aksiya keçirilir.
Ednews “Sputnik Armenia”ya istinadən xəbər verir ki, müxalifət lideri İşxan Saqatelyanın rəhbərlik etdiyi “Müqavimət” hərəkayının üzvləri şəhərdə yürüş keçirirlər. Onlar avtomobillərin hərəkətinə əngəl yaradırlar.
Etirazçılar “Həmrəylik”, “Nikol satqındır” şüarları səsləndirir, vətəndaşları aksiyaya qoşulmağa çağırırlar.
Ermənistan polisi isə müxalifət fəallarını saxlamağa başlayıb.
Qeyd edək ki, etirazçılar baş nazir Nikol Paşinyanı satqınlıqda ittiham edirlər.
Ermənistan müxalifəti bu gün paytaxt və regional magistralları bağlamaq niyyətindədir.
Ednews xəbər verir ki, bu barədə ölkə parlamentinin vitse-spikeri, Daşnaksütyun Partiyasının üzvü İşxan Saqatelyan bildirib.
Onun sözlərinə görə saat 08:30-dan etibarən İrəvan şəhərini iflic vəziyyətinə salınacaq, küçə və yol ayrıcıları bağlayanaq. “Sürücüləri avtomobilləri saatda maksimum 15 km sürətlə sürməyə, yol kəsişmələrində gecikməyə çağırıram", - Saqatelyan deyib.
O vurğulayıb ki, bu gün müxalifət bölgələrdə də yolları bağlayacaq.
Qeyd edək ki, bazar ertəsi səhər Ermənistan polisi müxalifətin elan etdiyi vətəndaş itaətsizliyi aksiyaları çərçivəsində İrəvanın mərkəzində küçələri bağlayan 244 nümayişçini saxlayıb. İrəvanın mərkəzindəki “Fransa” meydanına toplaşan müxalifətçilər gecə-gündüz etiraz aksiyası keçirmək üçün çadırlar qurublar.
