Boris Conson pandemiyada milyonları müxbirlərə necə xərcləyirdi? - Aşkar olan SİRLİ MƏQAMLAR - ednews.net

6 Oktyabr, Cümə axşamı

(+994 50) 229-39-11

Boris Conson pandemiyada milyonları müxbirlərə necə xərcləyirdi? - Aşkar olan SİRLİ MƏQAMLAR

Dünya A- A A+
İrlandiyalı jurnalist Brayn Kaskart, Boris Conson hökumətinin Covid böhranı ərəfəsində, milyonlarla funt sterlinqi zəngin Tory tərəfdarı olan qəzetlərə necə yönəltdiyini araşdıraraq ortaya qoyub.
 
Ednews xəbər verir ki, 2020-ci ilin aprelində, Birləşmiş Krallıqda Covid-in ilk karantin gününə iki həftə qalmış, Boris Conson Hökuməti yeni bir mətbuat subsidiyasını təqdim edir. "Subsidiya" sözü istifadə edilməsə də, maliyyə naziri Rishi Sunak və Nazirlər Kabinetinin rəhbəri Maykl Qovun sonrakı açıqlamaları bu məsələdə şübhəyə yer qoymadı.
 
Sunak, ayrılan vəsaitin "çap qəzet sənayesinə dəstək" üçün xərcləndiyini, Qov isə təşəbbüsün "xeyriyyəçi qurumları dəstəkləmək" olduğunu söylədi. Subsidiya, reklam gəlirləri azalan sənayenin intensiv lobbiçiliyinə cavab idi.
 
Belə bir məqamda, təcili nağd pul üçün ümidsiz yalvarışlar Xəbərlər Media Assosiasiyası (NMA) və korporativ mətbuatı təmsil edən Redaktorlar Cəmiyyəti, kiçik müstəqil xəbər nəşriyyatlarını təmsil edən Müstəqil və İcma Xəbərlər Şəbəkəsi (ICNN) və Milli Jurnalistlər İttifaqından səslənməyə başladı.
 
Əslində, bu, təkcə subsidiya deyildi. Nağd pulun müqabilində bütün nəşrlər "Hamısı Birində və Birlikdə" adlı yeni bir sxemdə iştirak edərək, oxucularına reklam şəklində Covid ilə əlaqəli rəsmi mesajlar təqdim etməli idi. Tezliklə milli qəzetlər və korporativ şəkildə fəaliyyət göstərən regional və yerli qəzetlər hökumətin Covid maarifləndirilməsi və qarşısının alınması siyasətlərinə uyğun olaraq kiçik xəbərlər dərc etməyə və reklamları nümayiş etdirməyə başladı.
 
Zahirən bu, media camiəsinin maddi rifahı üçün layiqli görünsə də, əslində jurnalist müstəqilliyinə, demokratiyaya vurulan bir ləkə idi.
 
Elnur Ənvəroğlu


Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary


Загрузка...