Bu ölkədə intihar hallarının sayı artır - ednews.net

30 Noyabr, Çərşənbə

(+994 50) 229-39-11

Bu ölkədə intihar hallarının sayı artır

Dünya A- A A+
Açıqlanan rəsmi məlumatlara görə, ABŞ-da intihar nisbəti 2021-ci ildə, iki illik azalmadan sonra, xüsusən də gənc kişilər arasında yüksəlib.
 
Lent.az xarici mediaya istinadla bildirir ki, xəstəliklərə nəzarət və qarşısının alınması mərkəzlərinin açıqladığı ilkin məlumatlara görə, intiharların sayı 2020-ci ildə təxminən 46 000-dən 2021-ci ildə 47 650-yə yüksəlib.
 
100.000 nəfərə düşən yaşa uyğunlaşdırılmış intihar nisbəti 2020-ci ildəki 13,5-dən keçən il 14-ə yüksəlib. Ən əhəmiyyətli artım 15-24 yaş arası oğlanlar və kişilər arasında müşahidə olunub, bu göstərici 8 faiz artıb.
 
2000-ci ildə, on illik tənəzzüldən sonra, ABŞ son vaxtların ən aşağı səviyyəsi qeydə alınıb – 100 min nəfərə 10 intihar.
 
Amerika İntiharın Qarşısının Alınması Fondunun eksperti Cill Harkavi-Fridman AFP-yə deyib: "1990-cı illərdə azalmaya səbəb olan amillərdən biri intihar riskini azaltmağa kömək edən dərmanların ortaya çıxması idi".
 
Bu rəqəm daha sonra artmağa başlayıb - Harkavi-Friedmanın ehtimalına görə antidepresanlardakı yeni xəbərdarlıq etiketləri səbəbindən - 2018-ci ilə qədər 2000-ci ildəki səviyyədən 35 faiz yuxarı olub.
 
Sonra, 2018-ci ildən 2020-ci ilə qədər 5 faiz azalıb.
 
Harkavi-Fridmanın sözlərinə görə, son dalğalanmaları şərh etmək çətindir.
 
"Bu artımın nəticələrinin nə olduğunu hələ bilmirik, uzunmüddətli perspektivdə nümunələri öyrənmək lazımdır”, - xanım deyib.
 
2021-ci ilə aid məlumatlar göstərir ki, keçmiş tendensiyalara uyğun olaraq, kişilər arasında intihar nisbətləri qadınlardan dörd dəfə çoxdur.
 
İrəli sürülən səbəblər arasında kişilərin daha çox öldürücü vasitələrə əl atması və psixi sağlamlıq yardımına müraciət etməkdə çətinlik çəkməsi fikri daxildir.
 
Məlumata görə, ABŞ-da intihar 10-34 yaşlı insanlar arasında ikinci ölüm səbəbidir.

 



Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary


Загрузка...