Son olaraq İranın “Sabah” telekanalında siyasi ekspert qismində iştirak edən farsyönlü ermənipərəst şəxs Azərbaycanın Laçın rayonunu “Ermənistan torpağı” kimi qələmə verib. Aparıcının ona etirazı da “ekspert”i fikrindən döndərməyib və öz sərsəm fikirlərini davam etdirib.

Ednews xəbər verir ki, Bizim.Media-ya açıqlamasında politoloq Nəsimi Məmmədli İrandakı bəzi “ekspert”lərin bu sayaq sərsəm açıqlamalarını savadsızlıq, qərəz və qonşuluq münasibətlərinə xələl gətirən yanaşma kimi xarakterizə etdi:

“Əslində cənub ölkəsindən olan bu tipli ekspertlərin həmin açıqlamaları İran dövlətinin rəsmi siyasətinə yaxın bir yanaşmadır. Onlar davamlı olaraq Ermənistanı himayə edən, onun maraqlarına öz maraqları kimi baxan xarici siyasət kursu yürüdürlər.

Bu fonda İran rejiminə yaxın ekspertlər də çalışır ki, fikirləri məhz həmin istiqamətdə formalaşdırsınlar. Əlbəttə ki, iranlı ekspertlərin bu sayaq açıqlamaları cəfəngiyatdır. Azərbaycanın rəsmi şəkildə təsbiq olunmuş ərazisinə daxil olan bölgəni başqa bir ölkənin ərazisi kimi qələmə vermək, həm savadsızlıq, həm qərəz, həm də qonşuluq münasibətlərinə xələl gətirən yanaşmadır və qəbuledilməzdir.

Bu əslində elə İranın öz dövlət maraqlarına zidd yanaşmadır. Bundan Azərbaycan heç bir zərər çəkmir. Ermənilər uzun illərdir iddia edir ki, Qars, İğdır, Qarabağ, Naxçıvan da guya onların torpağıdır. Bununla heç nə dəyişməyib. Həmin erməni qafasında olan iranlının deməsi də heç nəyi dəyişə bilməz”.