Rusiya və Çin qalib tərəfin olmayacağı nüvə müharibəsinin başlanmasının yolverilməz olduğunu bəyan edərək, bütün nüvə güclərini öz ərazilərindən kənarda silah yerləşdirməməyə çağırıb.
Ednews “İnterfaks”a istinadən xəbər verir ki, bu barədə Rusiya Prezidenti Vladimir Putin və Çin Prezidenti Si Cinpinin birgə bəyanatında qeyd olunub.
“Tərəflər bir daha bəyan edirlər ki, nüvə müharibəsində qalib ola bilməz və bu, heç vaxt baş verməməlidir”, - bəyanatda qeyd olunub.
Bundan əlavə, sənəddə tərəflər Nüvə Silahlarının Yayılmaması haqqında Müqavilə (NPT) üzrə öhdəliklərinə sadiq olduqlarını təsdiqləyib və bu Müqavilənin qorunması və möhkəmləndirilməsi məqsədilə “səyləri əlaqələndirməyə davam edəcəklərini” vəd ediblər.
