İran hökuməti ölkədə baş verən 6 aylıq etiraz aksiyalarından sonra paytaxtda polis qüvvələrinin sayının artırılması ilə bağlı yeni proqram həyata keçirmək niyyətində olduğunu deyib.
Ednews "Azad İran" teleqram kanalına istinadən xəbər verir ki, bu barədə İran Polis Qüvvələrinin xüsusi təyinatlı bölməsinin komandanı Həsən Kərəmi məlumat verib.
O, son etiraz nümayişlərinə toxunaraq, növbəti aksiyaların qarşısının vaxtında alınması üçün Tehranın 400 nöqtəsini əhatə etmək üçün polis güclərinin ikiqat artırılmasının vacibliyini bildirib.
Qeyd edək ki, İranda baş verən etiraz aksiyaları zamanı 71-i uşaq olmaqla 500-dən çox vətəndaş öldürülüb, 18 mindən çox etirazçı həbs edilib.
