Qərb mediası Putinin Belarusiyaya nüvə silahı yerləşdirməsi haqqında fikirlərində ciddi olduğunu qeyd edir. Keçmiş ABŞ prezidenti Donald Trampın milli təhlükəsizlik üzrə köməkçisi olan Con Bolton açıqlamasında bildirib ki, Putin Belarusiyaya həqiqətən də nüvə silahı yerləşdirə bilər. Lakin onun ABŞ-a qarşı nüvə təhdidini isə sayıqlama adlandırıb.
Ehtimallar nə dərəcə doğrudur və baş verərsə, hansı hadisələr cərəyan edə bilər? Rusiya liderinin təhdidləri özünü doğrulda bilərmi?
“Putin nüvə şantajından istifadə edir”.
Bu fikirləri məsələ ilə bağlı Ednews-a danışan ukraynalı siyasi ekspert Aleksandr Merejko səsləndirib.
O, qeyd edib ki, beynəlxalq hüquq baxımından 2005-ci il nüvə terrorizmi aktlarına qarşı mübarizə haqqında Konvensiya, Putinin təhdidləri nüvə terrorizmi aktıdır.
“Bununla belə, Putin nüvə silahından çətin istifadə etsin, əgər o bunu etsə, hətta Hindistan və Çin kimi ölkələr də ondan üz döndərəcək. Putin tamamilə təcrid olunmaqdan qorxur”.
Hərbi ekspert Ədalət Verdiyev isə Rusiyanın nüvə silahlarının Belarusiyada yerləşdirdiyi barədə xəbərləri təsdiqləyib.
“Belə planlar mövcuddur. Lakin bu silahlar Belarusiya ərazilərinə ən tez iyul ayında yerləşdirilə bilər. Çünki müəyyən anbar tipli infrastruktur tələb olunur. Bunların inşasına başlanılıb. Yaxın gələcəkdə yəni təxminən 3 ay sonra belə bir silahları Belarusiya ərazisidə görə biləcəyik. Lakin bu addımlar NATO, Aİ, ABŞ, Çin və Belarusiyanın qonşusu olan dövlətlər, xüsusən, Ukrayna tərəfindən dəstəklənmir. Hətta Ukrayna silahların Belarusiyada yerləşdirilməsi ilə bağlı sərt bəyanətlər səsləndirib. Bu gün BMT-nin Təhlükəsizlik Şurası Rusiyanın Belarusiya ərazisində nüvə silahları ilə bağlı iclas keçiriləcək. İclasın keçirilməsini Ukrayna tərəfindən irəli sürülüb”.
Ekspertin sözlərinə görə, Rusiya dünyanı nüvə cəhənnəminə çevirmək üçün növbəti addımını atıb. Bu prossesin qarşısını vaxtında alınmasa bu ilin sonunda Ukrayna ərazisində miqyası böyük olan və dünyanı narahat edən hadisələri görəcəyik.
“Ümumiyyətlə, bu addım təhlükəli addımdır. Nüvə silahının tətbiqi hər iki tərəf üçün çox acınacaqlı nəticələr vədd edir. Nüvə müharibəsində kiminsə qalib gələcəyini düşünmürəm. Rusiya Belarusiyada “İsgəndər” raketini daşıya biləcək 10 təyyarə yerləşdirib. Bütün bunlar Rusiyanın dünyanı nüvə müahribəsinə sürükləmək niyyətindən xəbər verir. Bu gün keçiriləcək BMT-nin Təhlükəsizlik Şurasının iclasında hansısa qərarın əldə olunacağına inanmıram. Amma Qərb, NATO, Aİ, ABŞ böyük ehtimalla bu dəfə Rusiya və Belarusiyaya qarşı yeni və daha sərt sanksiyaların tətbiq edəcəyi münkündür”.
“Rusiyanın məqsədi nüvə silahlarının idarə etməkdir. Rusiya bunu edərkən Belarus mümkün vəzifələrin icraçısı olacaq. Bunu üç məqsədə çatmaq üçün edir”.
Ukraynalı hərbi ekspert Vadim Tryuxan sözlərinə görə, Rusiya Prezidenti Vladimir Putin Belarusiya ərazisində taktiki nüvə başlıqlarının yerləşdirilməsini açıq elan edib.
“Söhbət Hibrid formadan gedir. Bir tərəfdən birbaşa qeyd edib ki, Belarus Hərbi Hava Qüvvələrinin nüvə blokadaları daşıya bilən on təyyarəsi hazırdır. Onlar üçün anbarlar tikilir və iyulun 1-dək həmin anbarlar hazır olacaq. Bu o deməkdir ki, Belarus Hibrid nüvə dövləti olacaq. Yəni Moskva bu silahı idarə edəcək və Belarus mümkün vəzifələrin icraçısı olacaq. Bu, üç məqsədə çatmaq üçün edilir.
Birincisi Putin özü üçün nüvə müttəfiqi yaradır. Çünki başqaları müttəfiqləri yoxdur. Bu, Lukaşenkonun əlləri ilə ən çirkli hərbi işləri görmək üçün lazımdır. Üstəlik, bunu öz zombiləşmiş xalqı qarşısında ittifaqların yaradıcısı kimi görünmək üçün edir. İkincisi Putinin Çinlə danışıqlar mövqeyini gücləndirmək üçün buna ehtiyacı var. Çin isə ona topal ördək kimi qəbul edir və əvəzində heç bir şey vermədən Rusiyadan tullantı qiymətləri ilə resursları çəkir. Üçüncüsü və əslində ən vacibi Putin Belarusa tam nəzarət edəcək. Bu, onun top-təbliğatçılarına qələbə imicini yaratmağa imkan verəcəkdir. Güya ki, Ukraynadakı "xüsusi əməliyyat" sayəsində Belarusla bütünləşdik. 9 milyondan çox insanın əksəriyyətini öz sakinləri kimi zombiləşdirməyə çalışacaqlar. Bu addımlara səfərbərlik resursları və başqa şeylər daxildir. Əlbəttə ki, bu həmdə Qərbə şantaj elementidir. Ancaq bu ikinci dərəcəli hədəf, bir növ yayındırma manevridir”.
Aysel Şahmar
