“Sarı jiletlilər”in nümayəndələrindən biri olan qadın “facebook” hesabında Fransa prezidenti Emmanuel Makron üçün “zibil” ifadəsini işlətdiyinə görə saxlanılıb.
Etirazçı qadın martın 22-də Fransa televiziyasında Makronun mübahisəli pensiya islahatı ilə bağlı müsahibəsindən bir gün əvvəl “Facebook”da həmin məsələyə toxunaraq:
“Zibil sabah saat 13-də sizə, heç bir dəyər verilməyənlərə səslənəcək. Zibili sadəcə televizorda görə bilərik”,- deyə qeyd edib.
Qadının həbs edilməsi etirazçılar arasında daha da aqressiya yaradıb. Onlar bu dəfə də etirazlarını “Twitter” üzərindən bildiriblər. Belə ki, Fransa seqmentində “#Makron zibildir” həştəqi ilə paylaşımlar populyarlaşıb.
“Fransada Makaronun nüfuzu demək olar ki, 0-a enib. Etiraz aksiyaları isə davam edir. Bu Fransada erkən seçkilərə və Makronun istefaya getməsi ilə nəticələnə bilər”.
Bu sözləri Ednews-a açıqlamasında Türkiyədə yaşayan politoloq Ramiyə Məmmədova deyib. O, qeyd edib ki, bir müddət olar ki, Fransada aksiyalar davam edir.
“Bu aksiya ilk deyil. Artıq neçənci askiyasıdır. Lakin bu aksiyanın digərlərinə nisbətdə daha çox yayılması və böyük miqyasda olmasının səbəbi Fransada baş verən son hadisələrdir. Biz açıq –aydın Makronun tək daxili siyasətində yox, xarici siyasətində uğursuz olduğunu görürük. Ölkəni həm siyasi, həm də iqtisadi baxımdan çöküşə aparır. Makronun uzun müddətdir ki, nüfuzu nəinki ölkə daxilində hətta ölkə xaricində sıfıra enib. Son zamanlar fransa xalqı Makronun qeyri-peşəkar olduğunu daha çox dilə gətirir. Qadının ona zibil dediyinə görə saxlanılması ixtişaşların artmasına daha çox səbəb oldu”.
Politoloqun sözlərinə görə, millət artıq Makron kimi liderdən bezib və onu istəmir.
“Bu yeni qanun daha çox qadınlara zərər gətirdi. Çünki qadınlar həm evdə, həm də işdə işləyirlər. Bu da onların daha gec təqaüdə çıxmasına gətirib çıxarır. Bunun üçün də bir neçə il daha artıq çalışmalıdırlar. Fransada baş verən aksiyalar nüfuzu olmayan Makronu daha da yerə vurdu. Təbii ki, bu gündə Fransa xalqı anlayır ki, Makron doğru lider seçimi deyil. Makronun yürütdüyü xarici siyasətdə bir çox NATO ölkələri ilə kanfrantasiya gəlməsi, Azərbaycanla olan son münasibətləri də çox böyük gərginliyə gətirib çıxarıb. Hətta bu hadisələrin fonunda Fransada olan səfirliyimiz bağlanma ehtimalı da var idi. Lakin Azərbaycan tərəfindən olan razılaşmalar ilə bu məsələ həll olundu. İnamıram ki, növbəti seçkidə Makron öz yerini qoruyub saxlaya bilsin. Bunu biz Makronun istefa verməsi ilə bağlı şüarlarda da görə bilərik. Təbii ki, o, istefa vermək niyyətində deyil”.
Aysel Şahmar
