Rusiya Xarici İşlər Nazirliyi Ermənistan Konstitusiya Məhkəməsinin Haaqada Rusiya Prezidenti Vladimir Putin barəsində çıxardığı həbs orderinə dair fikirlərinə münasibət bildirib. Ednews xəbər verir ki, Rusiya XİN rəsmi nümayəndəsi Mariya Zaxarova bu gün keçirdiyi brifinqdə bu barədə danışıb. Zaxarova bildirib ki, Ermənistan məhkəməsinin məsələ ilə bağlı mövqeyi Rusiya ilə Ermənistan arasında yüksək səviyyəli təmaslarda müzakirə mövzusudur: “Bu təmasların detallarını açmağı lazımi hesab etmirəm. Əlbəttə ki, güman edirik ki, bu süjet müttəfiqlik və qarşılıqlı məqbul əsasda nizamlanacaq". Qeyd edək ki, Haaqa məhkəməsi Putin barədə həbs orderi verib. Ermənistan məhkəməsi isə qərarı ölkə konstitusiyasına uyğun hesab edib.

• Tag:
• Rusiya