Ukrayna ilə Rusiya arasında müharibə başlayandan sonra Rusiyadan qonşu ölkələrə axın xeyli artıb. Vəziyyəti 21 sentyabr 2022-ci il tarixindən başlanan məcburi hərbi çağırış (səfərbərlik) daha da gərginləşdirib.
Statistikaya görə , rus vətəndaşlarının ən çox axın etdiyi ölkələr arasında Gürcüstan liderlik edir. 2023-cü ilin yanvar-mart aylarında Gürcüstana 256,8 min Rusiya vətəndaşı səfər edib ki, bu da 2022-ci ilin birinci rübü ilə müqayisədə üç yarım dəfə çoxdur
Maraqlıdır, Rusiyadan gələn bu axın hər il niyə artır?
“Rusların əhəmiyyətli bir hissəsi Gürcüstandan keçərək başqa ölkələrə gedir. Bir müddət Gürcüstanda yaşadıqdan sonra geri qayıdanların sayı az deyil”.
Bu fikirləri Ednews-a açıqlamasında Gürcüstanın Beynəlxalq Münaqişə və Danışıqlar Mərkəzinin eksperti Zaal Anjaparidze bildirib.
Onun sözlərin görə, Rusiya vətəndaşlarının Gürcüstana səfərləri ilə bağlı yuxarıda göstərilən məlumatlar reallığı dəqiq əks etdirmir.
“İndi əminliklə deyə bilərik ki, xeyli sayda rusiyalı Gürcüstanda məskunlaşır. Gürcüstanda daşınmaz əmlak alır, biznesə başlayır və başqa işlərlə də məşğul olurlar. Axının artmasının səbəbləri müxtəlifdir. Birincisi, coğrafi faktor, nisbətən tanış sosial mühit, dil baryerinin praktiki olaraq olmaması, dinlərarası amil, iqlim şəraiti, çevik viza rejimi. Axının artması, Rusiyadakı xeyli sayda gəncin Ukraynada müharibədə iştirak etmək istəməməsinin nəticəsidir. Vətəndaşlar gələcəklərinin qeyri-müəyyənliyindən qorxurlar və ona görə də başqa yerdə bu fırtınalı dövrüyaşamaq istəyirlər”.
Ekspertin sözlərinə görə, hələlik Rusiya ölkədən miqrasiyanın dayandırılması üçün minimal məhdudlaşdırıcı tədbirlər görür.
“Lakin gələcəkdə Ukrayna cəbhəsində vəziyyət pisləşərsə, daha sərt tədbirlər də istisna edilmir. Əmlakın müsadirə olunması, hüquqların məhdudlaşdırılması və digər repressiv tədbirlərlə bağlı təkliflər artıq səs-küy salmağa başlayıb”.
Gürcüstan Qərbin iddia etdiyi kimi Rusiyaya sanksiyalardan yan keçmək köməyi məsələsi ətrafında çox sui-qəsd nəzəriyyələri olduğunu bildirən Zaal Anjaparidze vurğulayıb ki, sanksiyaların ləğvi ilə bağlı ittihamlar əsasən Kiyevdən və yerli müxalifətdən gəlir:
“Lakin hələlik heç kim qəti sübut təqdim etməyib. Gürcüstan hakimiyyətinin tərəfdaşlıq etdiyi Qərb xidmətləri sanksiyaya məruz qalan yüklərin axınına diqqətlə nəzarət edir və sanksiyalardan yayınsa, o, ictimailəşəcəkdi. Deməliyəm ki, heç kim sanksiyalardan yayınmaq üçün kanalları tamamilə bağlaya bilmir”.
Aysel Şahmar
