Xəbər verdiyimiz kimi Türkiyədə keçirilən konfransda iştirak edən Rusiya və Ukrayna nümayəndələri arasında dava düşüb.
Beləki Ankarada Qara Dəniz İqtisadi Əməkdaşlıq Təşkilatının Parlament Assambleyasında Ukrayna bayraqları üstündə Rusiya və Ukrayna nümayəndə heyəti arasında insident baş verib.
Məsələ ilə bağlı Ednews-a danışan ukraynalı siyasi analitik Aleksey Buryaçenko bildirib ki, ümumiyyətlə, işğalçı dövlətə əməkdaşlıq şurasında yer olmamalıdır.
“Xarici əraziləri zəbt edən və dinc sakinləri qətlə yetirən bir dövlət üçün, əslində, Qara dənizin özünü başqa ölkələr üçün bağlayan bir ölkə üçün bu sammitdə iştirak etmək yersizdir”.
Onun sözlərinə görə, ilk növbədə Rusiya nümayəndə heyəti davranışlarına görə ictimaiyyət qarşısında üzr istəməlidir.
“Rusiyaya bu sammitdə iştirak etmək icazəsinin hansı səbəblərə görə verildiyi mənə çox aydın deyil. Müxtəlif beynəlxalq platformalarda, o cümlədən Qara dəniz regionunda iqtisadi əməkdaşlıq meydanında olan ölkələrin işğalçı dövlətə qarşı həmrəylik nümayiş etdirməsi çox vacibdir”.
Ekspertin fikrincə, Rusiya Federasiyasında qanunlar işləmir və onlar bütün beynəlxalq müqavilələrə məhəl qoymurlar.
“Onlar Birləşmiş Millətlər Təşkilatının statusuna əhəmiyyət vermirlər. Məsələn, Ukraynanın qoşulduğu Budapeşt müqaviləsi nəzəri olaraq nüvə silahına qarşı təhlükəsizliyə zəmanət verir, lakin gördüyümüz kimi, Rusiya bu müqaviləni pozur. Nüvə dövləti olaraq, nüvə olmayan ölkəyə hücum edirlər. Ona görə də onlarla beynəlxalq platformalarda danışmaq mənasızdır”.
Onun sözlərinə görə, ruslar kollegial birgənin qərarı ila bu assosiasiyadan xaric edilməlidir.
“Qara dənizin öz regionunun iqtisadi məkanını hərbi əməliyyatlarla məhdudlaşdıran, Qara dəniz regionunun bütün ticarət komponentini bloklayan dövlətin bu sammitdə yeri yoxdur. Onların vəhşi davranışlarına, o cümlədən Ukrayna bayrağına münasibətdə ictimaiyyətdən üzr istəməlidirlər”.
Nurlana Hacıyeva
