Avropa İttifaqı öz aviaşirkətlərinin Rusiyaya uçmasına icazə vermir və Aİ-yə üzv olmaq iddiasında olan Gürcüstanı aviasiya sahəsində Rusiya Federasiyasına qarşı sanksiyaları saxlamağa və Rusiya təyyarələrini öz ərazisinə buraxmamağa çağırır.
Ednews xəbər verir ki, bunu Aİ Xarici İşlər Xidmətinin nümayəndəsi Piter Stano Rusiya Federasiyasının Gürcüstanla hava əlaqəsini bərpa etmək qərarını şərh edərkən deyib.
“Avropa İttifaqı öz aviaşirkətlərinə Rusiyaya və onun üzərindən uçuşlara qadağa qoyub və digər ölkələri, o cümlədən Aİ üzvlüyünə namizəd olduğunu iddia edən Gürcüstanı bu sanksiyalara qoşulmağa çağırır. Aİ həmçinin Gürcüstanı təhlükəli rus təyyarələrini öz ərazisinə buraxmamağa çağırır, çünki Aİ və ABŞ sanksiyaları Rusiyaya Amerika və Avropa təyyarələri üçün lisenziyalı xidmətlər göstərməyə imkan vermir”, – Stano bildirib.
Oğuz
