Vladimir Zelenski Ukraynanın qərbin köməyi ilə bu ilin sonuna qədər Rusiyanı məğlub edə biləcəyini açıqlayıb. O, həmçinin Berlinə səfəri zamanı Almaniyaya “böyük” hərbi və iqtisadi dəstəyə görə təşəkkür edib.
Ednews The Guardian nəşrinə istinadən xəbər verir ki, Almaniya kansleri Olaf Şolzla görüşdən sonra danışan Ukrayna prezidenti Almaniyanın Kiyevə ABŞ-dan sonra ikinci ən böyük töhfə verən ölkə olduğunu deyib. Scholz-un koalisiya hökuməti Zelenskinin keçən il Rusiyanın tammiqyaslı işğalından sonra Berlinə ilk səfəri ilə eyni vaxtda yeni yardım paketi elan edib.
Bunun üzərinə Ukrayna qoşunlarının bu həftə Baxmut şəhəri ətrafında 10 mildən çox irəliləməsi ilə Zelenski qələbənin tamamilə mümkün olduğunu söyləyib. O, Almaniyanı “əsl dost və etibarlı müttəfiq” kimi tərifləyərək, “Biz artıq bu il təcavüzkarın məğlubiyyətini qəti şəkildə edə bilərik”, - deyə bildirib.
Mayın 14-də Zelenski Parisdə prezident Emmanuel Makron ilə şam yeməyində Fransa başçısı Ukraynaya yüngül tanklar, zirehli maşınlar, əsgərlər üçün təlim və digər yardımlar da daxil olmaqla əlavə hərbi yardım vəd edib.
“Parisə edilən hər səfərlə Ukraynanın müdafiə və hücum imkanları genişlənir”, - deyə Zelenski Parisin cənub-qərbində yerləşən Villakuley aviabazasına gələrkən tvit atıb.
Ukraynalı prezident Qərbin mütəmadi dəstəyi olacağı təqdirdə qələbənin mütləq şəkildə gələcəyini gözləyir.
Əkbər Şəbəndəyev