Ukrayna prezidenti V. Zelenski daha G7 sammiti keçirilməmişdən öncə, artıq bütün xəbər manşetlərində ön plandadır. Hazırda bu səfər belə qızğın şəraitdə riskli olsa da buna həqiqətən dəyər.
Ukrayna Milli Təhlükəsizlik və Müdafiə Şurasının katibi Oleksiy Danilov, “Orada çox vacib şeylər həll olunacaq. Prezidentimizin iştirakı bizim maraqlarımızı müdafiə etmək üçün mütləq vacibdir” deyə qeyd edib.
Zelenski artıq G7-dəki müraciətinin əsasını qoyub. Son on gündə o, Xirosimaya səfərindən əvvəl potensial hərbi dəstəyi qarantiyaya almaq üçün, İtaliya, Almaniya, Fransa və Böyük Britaniyaya səfər edib. Ukrayna lideri qərbli müttəfiqlərinə "təyyarə koalisiyası" istədiyini bildirib.
İndiyə qədər o, Böyük Britaniyadan pilotların hazırlanmasına kömək edəcəkləri ilə bağlı öhdəlik götürüb, lakin o, bundan daha çoxunu istəyəcək.
İdeal olaraq o, döyüş təyyarələri istəyir.
Zelenski həmçinin növbəti beş il ərzində ölkəsinin müdafiə büdcəsini ikiqat artırmağı planlaşdıran Yaponiyanın baş naziri Fumio Kişidanı da kənara çəkmək istəyə bilər.
Yaponiya Rusiyaya qarşı sanksiyalar tətbiq etmək üçün G7-nin digər ölkələri ilə birləşərək Ukraynadakı müharibə ilə bağlı dəqiq xətt çəkdi. Cənab Kişida mart ayında Ukraynaya səfər edib və əlavə dəstək üçün 5,5 milyard dollar (4,4 milyard funt sterlinq) vəd edib.
Zelenski ümid edir ki, artıq müharibənin dəhşətlərini yaşamış bir Yaponiya şəhərində alovlu bir müraciət öz təsirini göstərəcək və dünya liderlərini rus qoşunlarını geri çəkməyə və bu uzun sürən münaqişəni sona çatdırmağa kömək etmək üçün təkcə yardım deyil, daha çox silah təklif etməyə sövq edəcək.
Əkbər Şəbəndəyev