2019-cu ildən etibarən Moskva Rusiyadan Gürcüstana birbaşa uçuşlara qadağa qoyub.
2023-cü il mayın 10-da Rusiya prezidenti Vladimir Putin Gürcüstana birbaşa reyslərə qoyulan qadağanı ləğv edən və Gürcüstana vizasız uçuş rejimi tətbiq edən fərman imzalayıb.
Tiflis təşəbbüsü dəstəkləyib və Georgian Airways Moskvaya uçmağa icazə alıb.
Rusiyada Azimut və Red Wings Gürcüstana uçmaq hüququ alıb.
Gürcüstan sivil Avropa dünyası ilə yaxınlaşma istiqamətində geosiyasi prioritetlərini çoxdan müəyyən edib.
Saakaşvilinin dövründən həm dövlət idarələrində, həm də güc blokunda bir sıra səmərəli islahatlar aparılıb və Rusiya Federasiyasının Gürcüstan mallarına tam embarqo qoyması ilə iqtisadi axınların şaxələndirilməsi müəyyən edilib.
Ukraynalı politoloq, beynəlxalq hüquqşünas, Beynəlxalq Kiçik Şəhərlər Assosiasiyasının rəhbəri Aleksey Buryaçenko bu barədə Ednews-a müsahibəsində öz fikrini bildirib.
Onun fikrincə, Gürcüstan Rusiyaya tətbiq edilən sanksiyalarla bağlı yaranmış çətin vəziyyətdən istifadə etmək qərarına gəlib.
Politoloqun dediyinə görə, mühüm siyasi təsir bilavasitə Rusiyanın Gürcüstan iqtisadiyyatına təsirindən asılıdır. “Rusiya iqtisadiyyatının tərkib hissəsi Gürcüstanda nə qədər çox olarsa, Rusiyanın Gürcüstana siyasi təsiri də bir o qədər artar. Uçuşların bərpasının riskləri və potensial nəticələrini iki kateqoriyaya bölmək olar. Birinci kateqoriya iqtisadi, lakin daha əhəmiyyətli, əlbəttə ki, siyasi risklərdir”
Ekspert iqtisadi risklərin siyasi riskə çevrilməsi ilə bağlı fikirlərini də bölüşüb.
“Əgər söhbət iqtisadi risklərdən gedirsə, o zaman onlar ikinci siyasi kateqoriyaya çevrilirlər. Asan pul qazanmaq arzusunda olan Gürcüstan Moskvaya uçuşlarda tətbiq edilən sanksiyalara məhəl qoymur, beləliklə, taktiki baxımdan müəyyən gəlir əldə ediləcək. Lakin strateji baxımdan həm iqtisadiyyat, həm də onunla yaxınlaşmağa yönəlmiş xarici siyasətin həyata keçirilməsi üçün böyük risklər alır.Hesab edirəm ki, belə bir siyasətlə Gürcüstanın hətta yaxın vaxtlarda Aİ-yə üzvlüyə rəsmi namizəd statusu alacağına ümid etməyə dəyməz”.
B.Aleksey deyir ki, Rusiya ilə Gürcüstanın yaxınlaşması iqtisadi deyil, siyasi səbəblərlə bağlıdır.
“Rusiya Gürcüstana iqtisadi səbəblərə görə deyil, sırf siyasi səbəblərə görə yaxınlaşır. Hətta Rusiyanın 20%-ə yaxın ərazilərini işğal etməsinə, hətta Rusiyanın gürcüstan mallarına tam embarqo qoymasına baxmayaraq ki, əvvəllər Avropa kursu elan edən Gürcüstan situasiya mənfəəti naminə 180° dönməyə hazırdır. Bu, isə onu deməyə əsas verir ki, Rusiya Gürcüstan vasitəsilə Qərbə və Rusiyadan müstəqilliyə can atan siyasi qüvvələrə şillə vurur”.
Nurlana Hacıyeva