Rusiya vətəndaşları iflaslaşma prosedurundan keçmək üçün məhkəmələrə daha tez-tez müraciət etməyə başlayıblar. 

Ednews-un verdiyi məlumata görə, bu barədə Rusiya Ali Məhkəməsinin sədri Vyaçeslav Lebedev xəbər verir.

Hakimlər Şurasının plenar iclasında Lebedev qeyd edib ki, arbitraj məhkəmələri bu ilin birinci rübündə 2022-ci ilin eyni dövrü ilə müqayisədə 30 faiz çox iflas işlərinə baxıb. O, bəyan edib ki, “iflas haqqında qanunvericiliyin daha da təkmilləşdirilməsi, məhkəmə prosedurlarının sadələşdirilməsi və sürətləndirilməsi, unifikasiyası” tələb olunur.

Ali Məhkəmənin sədrinin sözlərinə görə, qeyd olunan müddətdə vətəndaşlardan kredit borcunun sərəncamla alınması ilə bağlı işlərin sayı da 23 faiz artıb.

2023-cü ilin birinci rübündə Rusiyada müflis vətəndaşların, o cümlədən fərdi sahibkarların sayı kəskin artıb. 76 min rusiyalı müflis elan edilib ki, bu da ötən ilin eyni dövrü ilə müqayisədə 40,3 faiz çoxdur.

Daha əvvəl bildirilmişdi ki, Rusiya hakimiyyəti ruslara uzun müddətdir davam edən iflas faktını gizlətmək hüququnun verilməsi imkanını müzakirə edir - müddət 10 il və ya daha çox ola bilər. Mövcud qanunvericilik bir vətəndaşın müflis olması haqqında məlumatın əbədi olaraq ictimaiyyətdə qalmasını nəzərdə tutur. İqtisadi inkişaf nazirinin birinci müavini İlya Torosovun sözlərinə görə, nazirlik hələlik yalnız mexanizmin yaradılmasını müzakirə edir, hazırda ideya “hətta inkişafda deyil”.

Nurlana