Rusiya Almaniya, Danimarka və İsveçi “Şimal axını”na hücumların səbəbkarlarını gizlətməkdə ittiham edir.
Ednews xəbər verir ki, bu barədə Rusiya Xarici İşlər Nazirliyi məlumat yayıb.
Beləki, ittihamlara görə, Avropa İttifaqına daxil olan üç ölkə “Şimal axını” və “Şimal axını 2” qaz kəmərlərinə hücumlara görə məsuliyyət daşıyanları gizlətməkdə gizlədir.
Xatırladaq ki, Danimarka və İsveç sahillərində Rusiyaya məxsus “Şimal axını 1” və “Şimal axını 2” boru kəmərlərində üç sızma olduğu bildirilib və gəmilərin əraziyə yaxınlaşmaması ilə bağlı xəbərdarlıq edilib.
Hər iki ölkə sızmaların təsadüfi deyil, məqsədyönlü hərəkətin nəticəsi olduğuna dair əlamətlər olduğunu bildirib.
Aİ həmçinin bəyan edib ki, “Şimal axını 1” və “Şimal axını 2” boru kəmərlərində qaz sızması təsadüfi deyil, düşünülmüş hərəkətin nəticəsidir.
2022-ci il avqustun 31-də “Şimal axını 1” boru kəməri ilə təbii qazın nəqli lazımi təmir işləri aparıla bilmədiyi üçün dayandırılıb.
Nurlana Hacıyeva
