“İsveçin NATO-ya üzvlüyünü təsdiqləmək üçün Türkiyəyə təzyiq göstərmək cəhdi tamamilə faydasızdır, çünki Stokholm hələ də bütün lazımi şərtləri yerinə yetirməyib”.
Bu fikirləri Tükiyə prezidenti Rəcəp Tayyib Ərdoğan bildirib. Onun sözlərinə görə,Türkiyəyə hər hansı təzyiq qəbuledilməzdir.
Məsələ ilə bağlı Ednews-a danışan “Optimar” ictimai rəy araşdırma mərkəzinin rəhbəri Hilmi Daşdemir qeyd edib ki, Türkiyənin terrorçularla 1984-cü ildən sərt mübarizə aparır. İsveç isə həm PKK, həm də PYD terror təşkilatları üçün rahat şərait yaradır.
«NATO ümumi təhlükəsizlik çətirini bölüşən ölkələri özündə birləşdirən bir təşkilatdır. NATO sazişinin 5-ci maddəsi bunu tənzimləyir. 11 sentyabr 2001-ci il hücumlarından sonra Əfqanıstandakı əməliyyat üçün yalnız bir dəfə 5-ci maddəyə müraciət edilib ki, bu da bir qüsurdur. Türkiyə 1952-ci ildən bu təşkilatın üzvüdür və Soyuq Müharibə dövründə və ondan sonrakı dövrdə NATO üzərinə düşən vəzifələri yerinə yetirmişdir. 1984-cü il avqustun 15-dən Türkiyə vətəndaşlarının təhlükəsizliyini, dövlətin bütövlüyünü, birliyini pozmaq məqsədi ilə terror aktları ilə üzləşirdi. PKK terror təşkilatı bu terror hücumlarında minlərlə insanımızın və təhlükəsizlik işçimizin itkisinə səbəb olub. Ölənlər arasında PKK-nın təmsil edənlərin iddia edildiyi kürd əsilli vətəndaşlar da var. Hətta 3-5 günlük körpələr də PKK terrorçuları tərəfindən öldürüldü. Bu terror təşkilatının daha üç ölkədə əlaqəsi var: Suriyada PYD, İraqda PÇDK və İranda PJAK. Türkiyə bu təşkilatlarla mübarizədə qətiyyətlidir. PKK terror təşkilatı siyahısında olsa da, PYD bu siyahıda deyil. Türkiyə bu terror şəbəkəsinə qarşı mübarizədə NATO müttəfiqlərindən əməkdaşlıq istəyir. İsveç NATO-ya üzv olmaq istəyir, lakin həm PKK, həm də PYD (silahlı qolu YPG) terror təşkilatları üçün rahat şərait yaradır. Türkiyə NATO üzvlüyünün verdiyi hüquqlardan istifadə edərək, İsveçdən onu hədəfə alan terror təşkilatına ev sahibliyi edən ölkənin NATO-ya qəbulu üçün lazımi addımlar atacağını gözləyir. Üstəlik, müqəddəs kitabımız Qurani-Kərimə və dinimiz İslama qarşı aqressiv hərəkətlərə reaksiya verilməməsi bizi narahat edir və biz qoruyucu mövqe saxlayırıq. İsveç hökuməti də bununla bağlı əlindən gələni etməlidir. Əks halda Türkiyə NATO müqaviləsinin verdiyi hüquqlardan istifadə edərək İsveçin NATO üzvlüyünə etirazını davam etdirəcək”.
Nurlana Hacıyeva
